Gran parti di ganashi ta bay pa Maris Stella
ORANJESTAD (AAN): E aña aki un biaha mas ta bay tuma lugar e asina yama Restaurant Week di Aruba Wine and Dine (AWD).
Relaciona cu e evento aki a tuma lugar un conferencia di prensa Diaranzon na Nos Clubhuis, unda cu Fabian Lantinga di AWD a splica cu e Restaurant Week ta bay ta di 11 di September te cu 18 di September.
“E 9 restaurantnan mas popular riba nos isla, esta Hadicurari, MooMba Beach, Nos Clubhuis, Salt &Pepper Restaurant, Tango, Fishes & More, Dragonfly, Café the Plaza y Que Pasa, ta bay ofrece menunan di 3 plato na un tremendo prijs”.
“Pa duna un idea di e opcionnan, nos kier a menciona algun plato manera e fillet di swordfish na Fishes & More, e “gyozas” of “yakitori” japones como entrada na Dragonfly, e “Hopi Stout braised veal cheeks” cu un mousse di batata dushi na Hadicurari y e entrada di aioli di pica di papaya cu touille di keshi parmesan na Café the Plaza.
Tambenos kier a menciona e entrada di cabaron di coco cu salada balsamico na Salt & Pepper, e “Seafood Quartet” cual ta consisti di grouper, pisca di dia, cabaron y calamari y ta bin cu comcomber, arroz y salada na Nos Clubhuis, filet mignon lora den bacon cu berdura na Tango y e tempura di tuna y cabaron cu saus oriental, mayonnaise di wasabi, salada di seaweed y berdura di grill na MooMba.
Tambe tin e mulato bros na Que Pasa cual ta hasa cu cilantro y pampuna y sirbi cu aletria, berdura y saus di teriyaki”.
Esaki segun Lantinga, kende a indica cu gran parti di e ganashi di “Restaurant Week” lo bay pa Maris Stella, cas di nos grandinan.
