Home General Santa Rosa a cera acceso di varios Dam na Aruba pa asina...

Santa Rosa a cera acceso di varios Dam na Aruba pa asina no benta sushi aden

22
0
SHARE
- Advertisement -

ORANJESTAD (AAN): Manera DIARIO a trece dilanti, for di algun siman caba Departamento di Agricultura Cria y Pesca Santa Rosa ta trahando riba diferente Dam den diferente discricto di Aruba.

Awendia e Damnan rond Aruba ta completamente bashi di awa. Esaki ta duna oportunidad na Santa Rosa pa reanuda trabaonan di mantencion logicamente. Sacando e cantidad di tera y santo cu ta keda acumula durante añanan. Esaki ta sosode di tal manera cu durante cu tin un torencial awasero cu rooinan ta lastra y ta finalisa cu tur santo y sushi den e damnan. Cu Tractor y bobcat nos a haci varios di e Damnan rond Aruba limpi.

DIARIO a haya sa, cu nan a bin na e idea cu na momento cu tin awa acomula den e dam pa hiba un mihor forma di maneho di uzo di awa. A yega na e conclusion pa pone un tubo cu tin un marca cu ta un midi (Meetlaat) cu tin color oranje.

Esaki ta haci cu na momento cu e awa di dam ta cabando y nos ta tuma nota cu e midi cu e color oranje aki bin na superficie nos lo para cu sacamento di awa for di e dam encuestion. Nos ta conciente cu mester keda un poco awa den e dam pa demas fauna cu ta exisiti na Aruba tambe por disfruta di poco awa cu ta keda den e dam.

Duna oportunidad na tur esnan cu tin e tanki blanco di 1000 liter pa por coi poco awa pa nan cultivo.

Di biaha a tuma e decision pa sera e damnan poniendo piedra na e entrada principal pa asina ningun hende no tira sushi tampoco den e damnan cu ya a worde haci limpi caba.

Damnan cu ta sera y marca ta e dam di Noord, Tanki Flip, Tanki Leendert, Dam di Desha, Dam di Hooiberg ta sera, Vaderpiet ta sera, y Dam di Shiribana ta sera y marca.

Di parti di Departamento di Agricultura, Cria y Pesca Santa Rosa nan ta haci un suplica pa no bay kita of kibra e midi cu nan a pone den e damnan ariba menciona. Esaki ta pa yuda nos na un mihor proceder di maneho di e damnan rond Aruba.

Un otro suplica tambe ta pa no bay tira sushi tampoco den e damnan of den e cercania pa motibo cu na momento cu tin un torencial awacero e sushi aki cu bo a tira den cercania di e dam por finalisa den e dam y por tin consecuencia pa nos mesun salud.

- Advertisement -

DUNA COMENTARIO

Please enter your comment!
Please enter your name here