Home Deporte Sarah-Quita Offringa a titula campeon di e evento di Slalom na Dinamarca

Sarah-Quita Offringa a titula campeon di e evento di Slalom na Dinamarca

1290
0
SHARE
- Advertisement -

Dinamarca Hvide Sande

ORANJESTAD (AAN): Den e siman tras di lomba (9 – 14 di September) e competencia di slalom di PWA World Cup a tuma lugar unda 80 regatista ta participa. Sarah-Quita ta dicidi di participa ya cu e a caba di duna un clinica di freestyle na Noruega y ta probecha pa tambe participa.

E hecho cu Sarah-Quita ya tabata tin 2 aña no ta participa den e disciplina di slalom tabata motibo pa hopi pregunta pa sa si e tabata tin aden pa regresa ariba e scenario di competencia.

Den curso di e competencia Sarah-Quita no solamente ta domina pero ta destrui su contrincantenan ganando 70% di e caredanan.

E condicion di biento y laman tabata feroz bao di influencia di e horcan Dorian cu a ocasiona cu algun regatista a sufri ribchi, pia, y nanishi kibra pa menciona algun incidente menos favorabel.

Hvide Sande PWA Slalom World Cup

Sarah-Quita intocabel na e evento y ta bari mop su contrincantenan di principio te final.

E evento di Slalom a tuma lugar di dialuna te cu diasabra ultimo den e costa West di Dinamarca.

Sarah-Quita ta den vecindario y ta dicidi di participa apesar cu el a opta pa concentra mas ariba e disciplina di Freestyle y Ola como cu tur tres disciplina ta exigi fisicamente mucho di dje cu hopi biahamento  cu diferencia di tempo cu ta hasi cu e no ta recupera debidamente.

E pregunta cu hopi a hasi ta si despues di un ausencia di 2 aña e por a presta na nivel. Despues di dos dia e pregunta ey a haya su contesta.

Sarah-Quita tabata presta ariba un otro planeta. E tabata intocabel cu un diferencia di punto unda e tabata tin ya 7 di e 10 caredanan gana. Di e manera aki Sarah-Quita ta gana e evento.

Hvide Sande Dinamarca

Hvide Sande ta anfitrion di e PWA Slalom World Cup unda na 2016 y 2017 e competencia aki a tuma lugar.  Na final di 2017 Sarah-Quita ta dicidi di stop di participa den e eventonan di slalom ariba e     PWA Tour  como cu desde cu el a gradua di Universidad na 2014 e ta practica tur tres disciplina y ta presente  na tur evento di tanto freestyle, slalom y Ola (Waves).

Den su aspiracion pa logra gana un titulo mundial den e disciplina di Ola e ta opta pa laga slalom un banda cu ta exigi hopi biahamento na paisnan den lejano oriente y ta masha costoso financieramente y fisicamente.

Mirando cu e evento ta keda serca di Noruega unda e a duna un clinica di freestyle e ta registra pa e participa. Pregunta grandi ta si e lo presta na su nivel  debido.

Aki na Hvide Sande Sarah-Quita a gana e dos edicionan anterior na 2016 y 2017. E evento a regresa pa 2019 na Dinamarca y desde un principio Sarah-Quita ta marca e paso di e caredanan. E ta intocabel den su prestacion lagando su contrincantenan su tras.

Potretnan:  pwaworldtour.com

- Advertisement -

DUNA COMENTARIO

Please enter your comment!
Please enter your name here