Home Deporte Seis atleta lo participa na torneo internacional di badminton na Guatemala

Seis atleta lo participa na torneo internacional di badminton na Guatemala

13
0
SHARE
- Advertisement -

ORANJESTAD (AAN) – Despues di a participa na torneonan na Cuba y Colombia na comienzo di e aña ‘ki, awo Aruba Badminton ta sali cu un delegacion pa Guatemala pa participa na un otro torneo internacional di Panamerican Badminton Federation.

Cu un grupo di 6 atleta acompaña pa 2 coach, e deportistanan di Aruba Badminton lo bay participa na e VI Guatemala International den e categoria di juniors como tambe di seniors. E grupo lo competi den un pool di alrededor di 200 deportista, contando cu participacion di paisnan caribense, latino americano y europeo.

Durante e temporada 2018-2019 Aruba Badminton a reintroduci su trainingnan pa diferente edad. Parti di e trainingnan aki ta enfoca riba drecha e condicion fisico di e deportistanan y tambe mehora nan tactica pa cu e deporte. Y awo pues a yega tempo un vez mas pa e deportistanan representa Aruba atraves di nan energia y pasion pa e deporte di badminton.

- Advertisement -

DUNA COMENTARIO

Please enter your comment!
Please enter your name here