Home Gobierno SOGA y contratista mester asumi responsabilidad di e situacion cu a presenta...

SOGA y contratista mester asumi responsabilidad di e situacion cu a presenta na Edificio nobo di HOH

230
0
SHARE
- Advertisement -

Minister Dangui Oduber:

ORANJESTAD (AAN) – Minister di Turismo, Salud y Deporte Dangui Oduber, a haci acto di presencia den Hospital dr. Horacio Oduber, relaciona cu e situacion cu a surgi door di e yobida fuerte den madruga, unda e edificio paden a yena cu awa.

Minister Oduber a bay reuni cu Sindicato ABV y tambe cu Gerencia, pa cuantifica e daño causa. El a comenta cu e infrastructura di Hospital tin MEP hopi preocupa for di tempo cu e tabata den oposicion, door di e proceso con e proyecto a wordo encamina, unda e tempo ey tabata tin tres compania di construccion cu a bid e proyecto, entre nan OHL-Arellano, cu ta un compania chikito di Merca y tambe e compania frances Bouygues, cu tabata tin mihor prijs, pero finalmente gobierno y SOGA a scoge pa Arellano.

For di e tempo ey (2014) MEP a señala caba kico lo spera Aruba cu e proyecto aki, y kico lo ta e consecuencianan pa pone un proyecto asina grandi di expansion di Hospital, y a premira y bisa cu esaki no tabata e miho decision di gobierno.

Na prome lugar pa bay paga di e tempo ey caba y na di dos pa duna un compania cu no tin experiencia y no a traha ningun hospital

Minister Dangui Oduber a remarca cu awe, lamentablemente awo MEP a haya razon, y el a expresa cu a sinti falta di presencia di Mike Eman na Hospital diabierna, ya cu el mire  diferente biaha na HOH instigando comunidad riba cosnan cu ta bay robes, pero esaki ta un proyecto hereda di e gobierno di AVP cu pueblo mester bay paga e debe “cu orguyo” manera sr. Eman mes ta bisa.

Minister Oduber ta di acuerdo cu e palabranan di sra. Gina Maduro, presidente di ABV, cu esaki no ta e miho proyecto di construccion unda tur cos cu por a bay robes a bay robes.

E mandatario ta cuestiona e hecho cu un boiler a wordo construi paden di Hospital, mientras cu tur caminda di mundo esaki ta wordo poni pafo.

Minister Dangui Oduber a pasa den servicio di emergencia unda un yobida temporal (NO un ola tropical) ya e plafond a bin abao, y tambe un tubo a kibra y por a mira e aparatonan manera computer, destock y printer, ningun por wordo uza mas.

E dignatario a expresa cu a bira tempo pa SOGA cu ta esun encarga cu e proyecto pone orde y cuminza atende cu esaki, pasobra simplemente a inaceptable cu pa Aruba, como pais, mester paga pa un proyecto cu supuestamente ta “5 Strea” y cu no ta bal e placa.

El a subraya cu ya caba tin un “budget over on” di 110 miyon florin, y cu ta bay costa e pueblo pagador di blasting riba 1 billion florin. Tur hende por wak e resultado di e placa cu, ya caba, a wordo inverti.

Si un pais ta inverti den un proyecto cu ta cumpli cu e exigencianan di calidad, un proyecto di 5 Strea, pueblo ta pague cu orguyo pero no por ta asina cu mester paga pa 25 aña largo pa e proyecto aki cu no a wordo finaliza ni entrega ainda, y ya caba ta haya e tipo di problemanan aki.

E mandatario a expresa cu e ta preocupa cu loke ta e finalizacion di e proyecto, y si bin mas awacero e ta puntra kico lo ta e consecuencia.

Di parti di gobierno, sin duda, un carta lo wordo manda pa SOGA. E mandatario tabata pa topa tambe cu Gerencia di Hospital, y mester reclama pasobra simplemente no por entrega un proyecto asina aki. E parti di e edificio di Eerste Hulp a wordo entrega caba y ya caba e ta confronta cu e tipo di problemanan aki, e dignatario a reitera.

El a subraya cu un hende mester para responsable pero e ta reuni cu SOGA y cu Gerencia di Hospital un ta acusa otro, y na final di dia ningun hende kier asumi nan responsabilidad. El a señala cu den e caso aki e prome yama pa tuma responsabilidad ta SOGA, y sigur e OHL cu ta e contratista encarga cu e proyecto aki.

- Advertisement -

DUNA COMENTARIO

Please enter your comment!
Please enter your name here