Home Deporte Speedworld cu boso amigo Hubert Furai Tiel

Speedworld cu boso amigo Hubert Furai Tiel

36
0
SHARE
- Advertisement -

Speedworld 13 sept 2019

ORANJESTAD (AAN)—Amigonan amantenan di e fabuloso Mundo di Motorsport, un cordial bon bini na boso pagina di tur siman tanten cu papa Dios ta permiti nos esey.

E siman aki nos di SW ta bay dedica un rato ariba e gruponan di Motocyclistanan consistiendo di 2 grupo di corodornan di Motorcycle cu pronto lo bay representa nos dushi Aruba, aya na Valdosta. Ta trata aki di 297 Team Aruba y Dream team bike Aruba cu conhuntamente lo ta coriendo bou di e bandera di un solo Aruba.

Cada grupo a traha diferente foundraising pa asina cubri e gastonan di baymento di e container nan. E anja aki, a bin algo extra, caminda cu e teamnan a traha duro pa asina cubri e gastonan di container y cada coredornan mester a spaar un placa, un banda, pa asina cubri nan viaje y hotel.

Dia 1 di November ta marca pa asina e loading di e brommer nan tuma lugar y oahal cu manera antes un public grandi ta bata bay wak y habla ayo na nos coredornan cu tabata bay hermana Isla di Curaçao pa pusta, cu coredornan di Motorcycle aki, tambe haya un public grandi na Waf, pa asina desea nan tur clase di exito y duna nan e valor cu nan merece di ta coredornan cu ta bay defende nos bunita bandera di Aruba.

Anja pasa ya caba e grupo cu a bay, a sa di propaganda e dushi Isla di Aruba, grandemente y peesey e anja aki ATA a percura pa e grupo di coredornan aki haya tent, bandera, banner y hoodies di Aruba, pa por parti na e cantidad grandi di public cu ta bin bishita e seccion di e Arubianonan cu a demostra cu aki no tat rata di cualkier coredor, sino di coredornan cu ta capaz pa cualkier rato, bin cu e trofeonan di prome lugar.

SW no ta sigur si nos por logra di bay pa asina cubri tur e actividad nan aki pa nos fiel lectornan cu ta ferviente amante di Motorsport, pero si no por, nos lo trata di tur manera pa haya poco material, pa asina comparti cu nos lectornan.

E gana y deseo tey, pero tin proyectonan cu SW ta bezig cune, cu tin prioridad y mester spar e placa pa por logra esakinan. Anyhow amigonan, te cu akinan pa e siman aki, spera cu pa otro siman, nos tey atrobe, cu un tiki mas di loke ta e grupo di motorcyclistanan cu ta bay defende e bunita bandera di Aruba, aya na Valdosta. Ban trankilo ariba caya, laga coremento duro pa Polis, Brandweer. Ambulanace y Speedworld y corda cu nos ta chat y stuur.

- Advertisement -

DUNA COMENTARIO

Please enter your comment!
Please enter your name here