Home General Statuut por tin resultado politico cu e mester evita

Statuut por tin resultado politico cu e mester evita

264
0
SHARE
- Advertisement -

Resumen

Rapport di MEP ta expone un realidad scondi

Durante fin di siman, DIARIO a ricibi e rapport cu e miembronan di fraccion di Parlamento di MEP Ady Thijsen y Rocco Tjon a compila a base di e menasa di intervencion dor di Hulanda si medidanan no wordo tuma pa coregi e situacion financiero actual di Aruba.

A base di e situacion financiero actual di Aruba, Hulanda ta exigi medida di parti di gobierno actual cu a tuma mando di e pais den un crisis severo. Hulanda a duna un fecha pa Gobierno di Aruba tuma medidanan cu lo cambia e situacion financiero pero lo nifica cu pueblo lo mester entrega mas.

Den e rapport di Thijsen y Tjon e intervencion di Hulanda a base di bon gobernacion cu Statuut ta exigi, ta wordo cuestiona y ta wordo poni contra e responsabilidad di Parlamento pa bon funcionamento di Aruba.

A base di rapportnan cu DIARIO tambe a uza como su fuente di investigacion pa por yega na e actual problemanan, e dos miembronan di Parlamento ta duna un descripcion di e desaroyo di e debe y ta splica cu ta na Parlamento di Aruba pa soluciona e situacion actual.

DIARIO, a base di informacion di Hulanda, a yega di splica cu politiconan Hulandes ta duda cu Aruba por conoce solucion di e problema sumamente serio cu e pais conoce actualmente. Hulanda ta referi na e hecho cu e debe nacional casi ta nifica cu Aruba ta bankroet.

Ora tuma nota di e rapport, cu ta defende e principio di autonomia di Aruba, ta topa tambe cu un berdad cu na varios pais grandi ta bini dilanti.

E hecho cu gobernacion ta wordo considera continuidad, a resulta den problema serio pa paisnan cu a trata di coregi e situacion y soluciona e problema.

Argentina ta uno di e pruebanan con un gobierno ta tuma mando di un pais cu hopi problema, no haya oportunidad pa soluciona e problema prome cu oposicion uza e problema cu e mes a crea pa ataca gobierno.

Na un pais chikito, cu dos partido grandi,  Hulanda por crea un problema cu Statuut kier evita. Segun e base di relacionnan den Reino, Hulanda ta evita di mete den problemanan interno di e pais.

Intervencion no solamente ta e ultimo recurso pero e mester sosode tambe na un forma cu ta evita cu ta mishi cu resultadonan politico na e pais.

Na momento cu Hulanda interveni y exigi medida pisa di e  gobierno actual, e gobierno actual ta keda cu acusacion cu ta su maneho a produci un KB, manera nan ta yama esaki den politica y cu ta e gobierno actual a tuma medida.

Pues e origen di e medidanan cu ta afecta pueblo lo por keda scondi y e balansa politico hasta por move den direccion faborabel pa e causante.

Gobierno actual a sinta cu un presentacion di problemanan manera tur rapport cu nos tambe a publica, a mustra. Tur instancia ta indica cu mester tuma medida. Pero cual medida mester tuma? Con e forma pa tuma medida mester ta?

Na final si un gobierno tuma medida, e lo ta na fabor di esun cu a causa e problema?

E situacion di Aruba ta crea un ambiente special. DIARIO ta presenta realidad di rapportnan pero tambe retonan nobo den Reino cu mester evita cu e ta mishi cu situacion politico local directamente.

- Advertisement -

DUNA COMENTARIO

Please enter your comment!
Please enter your name here