Home General Tin un grupo di hoben na Aruba cu a bira mama na...

Tin un grupo di hoben na Aruba cu a bira mama na un edad di entre 11 cu 19 aña

36
0
SHARE
- Advertisement -

Jaarverslag di Wit Gele Kruis ta revela cu toch e casonan a baha:

ORANJESTAD (AAN):  Tur aña Wit Gele Kruis ta traha un jaarverslag y esaki ta basa den locual tur cu a pasa e aña ey.

Monique Giel, di WGK a duna di conoce cu na 2018 a registra e cantidad di adolescentenan tabata na estado segun, ta registra e edad di e mama, di e tata. Si e ta un ‘sugar daddy’, un ‘lover boy’, etc.

A indica cu WGK ta registra casa parti cu nan ta wak den praktijk. Si ta wak e datonan pa bario, por bisa cu Santa Cruz tin e cantidad mas halto y esey WGK ta bin ta wak cada aña cu e cantidad ta keda halto den e bario di Santa Cruz.

Tambe na 2018, tabata tin e bario di San Nicolas y na di tres lugar e bario di Noord. Na Santa Cruz a señala muchanan cu a pasa den un abuso sexual y despues nan a sali na estado. Of a haya muchanan cu ta envolvi den uso di droga y akinan tambe e cantidad ta mas grandi den e bario di Santa Cruz. A observa tambe e aspecto di maltrato y incesto (abuso door di un familiar), Giel a remarca.

E casonan aki WGK ta registra nan y na comienzo di aña ta traha e jaarverslag pa asina por comparti y wak kico por traha ariba e tereno aki, Monique Giel a splica.

El a sigui bisa cu e parti cu a resalta ta e parti di edad di e muchanan cu ta keda entre 11 cu 19 aña y e edad mas jong tabata aña pasa cu 14 aña.

E aña aki tin un mucha muher di 13 aña, pero si ta wak bek por ripara semper cu nan a sali na estado un aña prome, kiermen cu 12 aña den e caso aki.

Wit Gele Kruis ta registra e casonan aki pa tin un bista y pa wak con por traha na dje. No ta keda solamente na registracion, pero ta bay ‘brainstorm’ kico pa haci cun’e y pa traha ariba e parti preventivo, a enfatiza.

Sinembargo, e cantidad di casonan di embarazonan hubenil a baha. E añanan anterior e cantidad ta ariba 100, pero e ultimo tres añanan el a baha bao di 100, locual ta un parti positivo, Giel a indica.

CARNIVAL BABIES TA KEDA

Tur esaki ta relata na e campañanan di prevencion, e charlanan na scol, etc. Pa loke ta e parti di ‘carnival babies’, cu ta e babynan di November, ta keda cu un cantidad mas halto.

Akinan ta bay analiza pakico e mucha muhernan ta sali na estado y si nan tabata bao di influencia. E ora ey ta bay traha campaña, proyectonan ariba tereno preventivo, a splica.

CHARLANAN NA SCOL

Aworaki cu scol a habri, tin scolnan cu ta keda haci peticion pa informacion (carrousel). Tambe ta probecha pa midi e conocimento di e muchanan, con leu nan ta y si nan mester haya guia a base di e charlanan cu ta duna.

Ta papia tocante embarazo hubenil pero ta pone enfasis den e consecuencianan. Tambe tocante malesanan transmiti sexualmente, entre otro.

Mayoria di e muchanan durante di e lezingnan ta mustra cu nan self-esteem (autoestima) ta hopi abao. E atencion cu nan ta busca, nan no ta haya of nan ta buske ariba e camindanan robez, e representante di WGK a remarca.

E charlanan ta trece dilanti casonan cu ta sosode den bida diario manera e caso di un mucha cu a pega cu un malesa sexual y dicon el a yega asina leu.

 

 

- Advertisement -

DUNA COMENTARIO

Please enter your comment!
Please enter your name here