Home Policial Turista a hoga na Renaissance Island dilanti su casa y tres yiunan

Turista a hoga na Renaissance Island dilanti su casa y tres yiunan

893
0
SHARE
- Advertisement -

ORANJESTAD (AAN): Tabata Diaranson poco prome cu merdia, cu yamada di urgencia a drenta na Centro di Alarma, indicando cu tin un emergencia riba Renaissance Island.

E isla priva conoci mundialmente pa su atraccion di flamingo, a haye cu un caso ora cu un turista masculino a sufri problema den lama.  Pa un motibo of otro el a bay den pida hundo y no por a haya forma bek pa bay halto, y a guli awa y e problema e empeora.

E yamada cu a drenta na Centro di Alarma, tabata solicita Ambulans urgente.  Esey a wordo haci tambe, y a coordina cu lo manda Paramediconan warda riba e Pier net cerca di Seaport Casino.

Riba e isla, tanto trahadornan di e isla y demas turistanan a saca e homber for di awa, y a cuminza practica CPR riba dje pa reanima.  Tambe a cuminza carge mesora y pone riba boto, pa trece tera mesora.

Centro di Alarma a notifica Polis tambe cu a bay na e Pier pa check e asunto.

Ora cu a trece e victima na Pier na Playa, e Paramediconan a tuma over y a sigui cu CPR mientras ta monitor su signonan vital.  Sinembargo no por a haci nada mas pe.

Finalmente Centro di Alarma a haya Dr. Van Trigt pa acudi na e lugar, y pa 12:56 pm el a constata morto di e turista.

Vocero Policial a indica cu e turista ta di inicial L.T.H., naci na aña 1975 na pais Vietnam.

E turista ta di bishita na Aruba hunto cu su casa, y 3 yiu.  Nan tur a keda hopi tristo y sigur spanta cu e dia alegre aki a caba pa nan den un tragedia.  Pesey Polis a manda busca personal di Slachtofferhulp a presenta na e lugar pa asina guia e famia den e momento dificil aki.  Condolencia na su famianan.

 

- Advertisement -

DUNA COMENTARIO

Please enter your comment!
Please enter your name here