Home Parlamento Unanimamente a instala comision pa asuntonan di Merca

Unanimamente a instala comision pa asuntonan di Merca

141
0
SHARE
- Advertisement -

ORANJESTAD (AAN):  Aña pasa Parlamento di Aruba a ricibi bishita di Congreso Mericano y a reuni cu nan riba diferente topiconan relevante pa Aruba. Despues di esaki a sigui explora e balor agrega cu un relacion structural cu Merca a base di Parlamento por tin pa Aruba.

Awe durante un reunion di Comision Central unanimamente Parlamento a instala e comision nobo cual ta “Vaste Commissie Noord-Amerikaanse aangelegenheden”.

Manera ta conoci Aruba ta traha hunto cu Merca riba diferente tereno manera turismo, aviacion, economia y husticia djis pa menciona algun. Riba diferente di e terenonan menciona ya caba ta existi diferente “Memorandums of Understanding”.

Mirando e importancia di e relacion aki ta importante pa for di e plataforma di Parlamento fortifica e relacion cu Congreso Mericano. Den combersacion cu Minister plenipotenciario, sra. Mr. Joselin Croes e tambe a señala e balor agrega di fortifica e relacion pa asina capitalisa riba e “low hanging fruits”.

Ta na Augustus 2019 cu e Parlamentonan di Corsow, St. Maarten y Aruba a trata e topico aki, mirando e desaroyo pa loke ta finanzas publico ta importante pa enfoca tambe riba e topico aki.

Parlamento di Corsow a reuni cu miembronan di congreso Mericano, y e interes pa tin lazo mas fuerte a wordo vocifera door di “congressional Staffers” tambe cu a bishita Aruba.

Pa Aruba esaki sigur ta importante mirando cu nos economia y turismo ta depende grandemente di Merca. Pa concretisa e relacion entre e islanan y Merca e Parlamentonan lo tene contacto cu consulado Mericano, congreso Mericano y e Ministernan plenipotenciario cu ta representa e islanan na Merca.

- Advertisement -

DUNA COMENTARIO

Please enter your comment!
Please enter your name here