Home Enseñanza A lanza proyecto ‘Natuur en Milieu den Enseñanza’ den Hofi Shon Shoco...

A lanza proyecto ‘Natuur en Milieu den Enseñanza’ den Hofi Shon Shoco na Parke Arikok

213
0
SHARE
- Advertisement -

Hobennan lo por siña mas di naturaleza den actividadnan extra curricular

ORANJESTAD (AAN):  Dia 4 di October ta Dia di San Francisco y pesey tambe ta Dia Internacional di Bestia. A scoge e fecha aki pa di un forma simbolico inicia e proyecto di Natuur en Milieu den Enseñanza (NME Pilot Program) den Hofi Shon Shoco na Parke Arikok.

Minister Rudy Lampe a duna di conoce cu algun dia pasa tabata eynan mes pa loke ta e proyecto di construccion di un hardin botanico den Hofi Shon Shoco cu ta bay tin metanan educativo.

Aworaki pa medio di e hardin botanico kier siña e hobennan tocante e matanan curativo y di e diferente mata di e flora y fauna di Aruba, a expresa.

E conocimento ey kier transmiti na e futuro generacionnan y asina diabierna a dal un stap mas leu cu e proyecto aki cu ta algo mas amplio cu solamente e hardin botanico. Kier siña e muchanan cu planeta tera ta algo unico y maraviyoso.

Mester bin cu un proyecto pa reforesta Aruba pasobra e ta posibel y necesario, e mandatario a indica. Ademas di siña e muchanan planta un semia y cu por cosecha un fruto cu por come di dje.

Rudy Lampe a indica cu awor cu el a bay New York pa e Cumbre riba Cambio Climatico, cu tin hopi interes pa proyectonan di e tipo aki y tin fondonan disponibel.

Parke Nacional Arikok mes ta un ehempel con fondonan di Union Europeo a yuda construi e parke aki y esaki ta e direccion cu Aruba tin cu bay, e ministro a expresa.

El a bisa cu Samuel Dumfries ta e persona cu a dirigi e grupo cu a traha ariba e proyecto aki hunto cu Chief Conservation Officer di PNA Natasha Silva y Conservation Education Manager Sietske van der Wal.

Parke Nacional Arikok ta bay bira fundamental pa e educacion di e muchanan y ta spera cu ta bay stimula pa tin mas bishita di e hobennan na e parke  y siña loke ta flora y fauna, Minister Lampe a bisa.

E proyecto aki no solamente lo yuda e hobennan siña den klas sino ora cu nan bishita parke den naturaleza tambe nan ta siña. “Nan ta haya lesnan importante pa bida y nos kier stimula esey”, cu loke ta wordo yama actividadnan extra curricular, a señala.

- Advertisement -

DUNA COMENTARIO

Please enter your comment!
Please enter your name here