Home Deporte Aksel Samardzic ta cla pa participa den ANOC World Beach Games na...

Aksel Samardzic ta cla pa participa den ANOC World Beach Games na Qatar

137
0
SHARE
- Advertisement -

ORANJESTAD (AAN): Aksel Samardzic ta cla pa participa den ANOC World Beach Games na Doha, Qatar. No solamente e kier sobresali como e top den Beach Tennis, sino e kier pone Aruba riba spotlight internacional.

Samardzic ta situa riba number 13 den ranking mundial di Beach Tennis, y e lo hunga cu Sander Castro, kende ta number 68 riba ranking mundial, durante e Men’s doubles durante World Beach Games, cu lo tuma lugar entre 12-16 di October.

Segun un entrevista recien, Samardzic a indica cu Beach Tennis a crece asina hopi na Aruba, cu esaki a bira un deporte nacional. Na unda tin weganan tur dia y cada dos siman tin un torneo. El a indica cu asina deportistanan ta crea un nivel, y mehora e hungadornan. Su meta ta pa pone Aruba riba mapa internacional di Beach Tennis.

Samardzic a alcanza mihor resultado di su carera den Campeonato Mundial di Beach Tennis ITF 2019 na Terracina, Italia, na unda el a avanza den semifinal hunto cu e Venezolano, Ramon Guedez.

Samardzic tambe ta un figura central den Aruba Beach Tennis Open, un di e eventonan mas importante den e deporte cu ta atrae mas di 1,400 hungador di tur parti di mundo cada aña y ta yuda aumenta popularidad di e deporte den e region.

Mensahe di Samardzic na cualkier persona cu kier sa mas di beach tennis, cu ta hunga of participa den cualkier otro deporte, ta simpel: bin wak y hunga.

- Advertisement -

DUNA COMENTARIO

Please enter your comment!
Please enter your name here