Ganador rifa mustang sport boys
ORANJESTAD (AAN): Algun luna pasa, e grupo di Mustang Sport Boys a reuni pa hunto nan planea un proyecto, cu lo duna bek na comunidad den diferente aspecto. For di reunion aki, a sali e idea pa hasi un rifa di diferente premio, en total 6, ya ta duna no solamente un persona e oportunidad pa gana un premio, sino mas.
E rifa a bay man den man cu un carshow, cual a tuma lugar diasabra anochi riba Linear Park. E respaldo cu Mustang Sport Boys a ricibi desde cu a cuminsa cu e preparacion tabata sublime. For di voluntarionan te cu comercio, kendenan no a duda pa yuda cu e evento aki.
Diasabra nochi por a presencia e resultado di un grupo di persona, cu a traha hunto, pa algun siman. Un evento caminda e rifa tabata sold out, un linear park completamente yen. E parti musical no a keda afor, y a conta cu Rincon Boys, DJ Vibes, Nutzbeatz, Buleria, Vallenato Plus y a clausura cu Tsunami.
Den presencia di e miembronan di Mustang Sport Boys, Notaris Yarzagaray, Christina y Ruben Yrausquin como representantenan di e marca Ford y Directora di Casa Cuna, Sra. Renate van Dongen a bay over na sacamento di e ganador di e diferente premio nan. Aki e ganadornan:
Premio 6: Certificado di SuperFood na un balor di Awg. 750, # 2368, ganador Gino George / Premio 5: Smart TV di Sams, # 2861, ganador Elvis Geerman / Premio 4: Weekend Stay na Hilton Aruba, # 0291: Lars Stolk / Premio 3: Weekend Stay Marriott Aruba Surf Club, # 1215, ganador John Croeze / Premio 2: Trip pa Miami pa 2 persona, # 2881, ganador M. Paesch y por ultimo, e premio grandi, cual ta un Ford Figo 2020 a keda gana pa e # 3263, bow nomber di Anthony Alders.
Mes ora a tuma contacto cu e ganador y esaki a jega Linear Park pa asina e pora a drenta su auto nobo nobo. Anthony a dirigi su mes na e publico y por a tuma nota despues riba su FB page, caminda e ta bisa: “Hasi bon y bon ta bin pa bo”
Tur ganador lo wordo yama awe dialuna pa asina por coordina entrega di cada premio, cual lo tuma lugar e siman aki ainda. Keda pendiente pa e siguiente proyecto di Mustang Sport Boys
