Home Bites Apertura oficial di ‘Futura Cafe’ den Caya Grandi

Apertura oficial di ‘Futura Cafe’ den Caya Grandi

541
0
SHARE
- Advertisement -

‘Pop-up space’ Creativo y parti di proyecto ‘Immerse’

ORANJESTAD (AAN):   Diamars anochi tabata tin e apertura oficial di Futura Cafe den Caya Grandi, unda antes tabata tin Access Art Gallery.

Esaki ta un proyecto hopi innovativo, un ‘pop-up space’ cual ta forma parti di e proyecto ‘Immerse’. Den Futura Cafe, tin varios ‘meeting rooms’ creativo cu companianan por huur pa haci workshops. Un concepto nobo tambe ta ‘Spaces’, cu tambe a habri ayera y ta ubica unda antes tabata tin e tienda Shana.

E lugar aki ta un experiencia interactivo cu tur hende por bishita pa conoce causanan comun y kico e partnernan ta haciendo pa soluciona e problemanan cu tin den comunidad, Varelie Croes, Chief Innovation Officer di Gobierno di Aruba, a splica.

E lugarnan aki, esta ‘Spaces’  y Futura Cafe lo keda habri pa dos luna te cu mitad di Januari 2020. Ta bay ta habri 3 pa 5 biaha pa siman.

E ideanan aki a bin pa trece e bida bek den Caya, trece un energia nobo y hoben den un manera diferente. A realiza cu tin hopi edificio bashi y no a wordo uza pa hopi aña. A bin cu hopi creatividad y cu colaboracion ta transforma e edificionan aki. Esey ta locual a haci cu Futura Cafe y ‘Spaces’, Croes a declara.

E anochi aki a haci e ceremonia di apertura cu presencia di Gobernador Alfonso Boekhoudt, algun mandatario, representantenan di diferente gremio, comercio, invitadonan special.

Corda check e calendar di actividadnan ya cu Immerse tin un agenda hopi interesante henter e siman aki.

- Advertisement -

DUNA COMENTARIO

Please enter your comment!
Please enter your name here