Home arte y espectaculo Aruba su prome edicion di Shoco Artfest 2019

Aruba su prome edicion di Shoco Artfest 2019

36
0
SHARE
- Advertisement -

Un evento pa honra arte unico, 19 y 20 October, 2019

ORANJESTAD (AAN) – Diasabra y Diadomingo awo, 19 y 20 di October, e prome edicion di Shoco Artfest lo tuma lugar na Motor World Camacuri. Organisador di evento aki, artista local y master di airbrush, Mr. Paul Wong, ta splica cu e meta di e exposicion aki ta pa comunidad di Aruba sera conoci cu artistanan local, cu ta nobo den e mundo di arte.

E nomber di e evento ta basa ariba un pintura di Shoco incorporando nos bandera di Aruba, cu e mes a airbrush.

Lo tin diez (10) artista local cu lo expone diferente tipo di arte. Lo tin arte cultural, urbano, sculptura di palo y piedra, y airbrush, pa menciona un paar. Lo tin tambe arte riba Harley, truck, bicicleta, y tambe demostracion di tattoo. Publico di Aruba lo haya chens pa wak e creatividad di nos up and coming artistanan local.

E artistanan local cu lo ta presente ta: Emil Krosendijk, Nimia Geerman, Sjoerd Canninga, George Rosel,  Merveline Geerman, Evris Fearon, Dario Wilson, Juancho Hoek, Jesus Fontalba, y Paul Wong.

Lo tin un seccion special unda e artistanan lo hasi nan creacion ariba un skateboard, y esakinan nan lo  bende den un estilo di “auction.” E fondonan cu wordo recauda, lo bai como donacion pa Fundacion Casa Cuna.

E evento ta tuma lugar Diasabra y Diadomingo awo, na Motorworld Camacuri, situa riba caminda principal entre Aeropuerto y Cas di Cultura, di 5 pm pa 9 pm, 19 y 20 di October.

- Advertisement -

DUNA COMENTARIO

Please enter your comment!
Please enter your name here