Home General Aruba tin un problema hopi grandi pa falta di lugar pa atende...

Aruba tin un problema hopi grandi pa falta di lugar pa atende cu adictonan

440
0
SHARE
- Advertisement -

Yvonne Simon-Andrade di Adult and Teen Challenge Aruba

ORANJESTAD (AAN): ORANJESTAD (AAN): Adult & Teen Challenge Aruba ta un organizacion global, cu mas di 1300 centro rond mundo y cu tin un programa hopi exitoso.

Yvonne Simon-Andrade a duna di conoce cu e parti mas importante cu fundacionnan cu ta enfoca riba parti di rehabilitacion y yuda esnan cu problema di adiccion ta cu mester mas lugar pa recoge e personanan aki. Aruba tin un problema hopi grandi pa falta di lugar, tin diferente edificionan cu e personanan aki por wordo aloca, pero departamentonan of maneho di e departamentonan concerni no ta funcionando optimal.

Pa e motibo aki, fundacionnan cu ta atende cu diferente problema di adiccion, a dicidi di uni forza, tanto Adopt-an-Addict, Adult and Teen Challenge Aruba, Alianza y otro fundacionnan a cuminsa reuni hunto cu algun parlamentario pa vocifera e preocupacionnan, na unda cu nan a enfatiza cu e problema aki no por warda mas, e ta un problema hopi profundo caba, y no por warda mas pa resolve e problema y accion mester a tuma lugar hopi luna pasa caba.

Segun Simon-Andrade, nan ta un team cu por yuda departamentonan di gobierno, pa asina hunto por alivia e situacion. E ta un asunto cu ta toca nos tur, no solamente gobierno mester haci su parti, fundacionnan tin cu haci di nan banda y como comunidad tambe mester haci nan parti.

Tur dia nan ta haya gritonan di auxilio di famianan, pero tambe di e mesun adictonan. El a splica cu ta tanto persona nan por aloca na centronan cu ta habri, den cierto momentonan bo mannan ta yen y bo no por haci mas cu esey, mientras si tin espacio na otro camindanan. E sistema mester wordo structura pa asina nan por aloca algun persona, hasta pa prepara nan pa e fase di ‘in take’ of detox, pa asina prepara nan pa bay haya tratamento den exterior, loke ta sumamente importante.

Fundacion Adult and Teen Challenge tin un programa hopi riguroso y estricto, pa asina e adicto por cuminsa cu su preparacionnan pa bay den exterior, manera Canada, Merca, Republica Dominicana ta yuda nan cu tratamento. Cada concepto di e programa ta adecuado na e persona y esaki ta tuma su tempo. No ta simplemente ‘piki’ nan for di riba caya y pone nan den avion y manda nan di biaha. Nan mester di un preparacion completo, tanto di nan salud fisico como mental.

Personanan cu ta den algun adiccion ta logra sali limpi ya cu e programa aki ta enfoca ariba yuda personanan cu tin un problema di adiccion (droga, alcohol, gambling, depresion, violencia domestico) y cu mester para bek firme ariba nan pia.

- Advertisement -

DUNA COMENTARIO

Please enter your comment!
Please enter your name here