Home General Base financiero Hospital cu buelta similar na Citgo

Base financiero Hospital cu buelta similar na Citgo

108
0
SHARE
- Advertisement -

Ministerio Publico presenta cu maneho unico Gobierno Mike Eman

*Gobierno ta huur edificio di SOGA y SZA ta huur di Gobierno

*Resultado financiero por yega 650 Miyon pero sin projectdossier  

ORANJESTAD(AAN)–Hopi a wordo papia di Hospital Nobo. Mientras tur bista tabata dirigi riba boiler, holo di diesel y awa cu ta drenta y sali di e edificio, e bista di DIARIO tabata dirigi riba documentonan oficial. Un documento sumamente importante ta e rapport di “Bo Aruba” cu na hopi ocasion DIARIO a trece dilanti for di momento cu el a cay den man di Ministerio Publico di Aruba.

Pa splica Pueblo loke ta pasa tras di cortina di gobernacion, mester di documento pero tambe di oportunidad.

Mientras e problemanan di hospital tabata continua, DIARIO tabata tin den su man e documento di Algemene Rekenkamer Aruba, e aparato oficial di control di placanan di Aruba.

Hospital Nobo di Aruba tabata uno di e proyectonan di Bo Aruba, cu mester a entrega Aruba un destino nobo.

E forma interesante cu gobierno Mike Eman a atende cu Un Biyon Florin di Aruba cu a wordo uza pa proyecto, ta bini sigur dilanti den e rapport cu for di tempo cu gobierno Mike Eman tabata na mando, a bay pa comentario cerca e gobierno. Finalmente tabata e gobierno nobo cu mester a atende cu Algemene Rekenkamer Aruba cu no a ricibi un contesta di gobierno Mike Eman.

Un suma di 0.6 Biyon no a wordo uza pero tabata destina ainda pa “Bo Aruba” cu actualmente mester ta un puzzel cu expertonan di Ministerio Publico mester resolve.

Ora mira e forma cu gobierno Mike Eman a maneha e situacion financiero, por topa cu e mes tipo di formula cu a uza den caso di Citgo y den cual un compania ta manda placa pa otro y finalmente Gobierno di Aruba tambe ta parti di e circulo.

Den e caso aki, gobierno mes no a inverti pero tabata SOGA cu a paga e 282.7 Florin pa construccion.

Esaki ta duna SOGA e derecho pa huur e edificio cu gobierno, cu na su turno ta huur e edificio na SZA durante 29 aña.

Tin un forma pa placa circula pero e base financiero mes, e project dossier cu mester pa e sistema funciona, no ta presente segun Algemene Rekenkamer Aruba.

Ministerio Publico, cu tin e rapport, awor por haya e informacion oficial cu mester a yega na e areglo pa un sala di operacion den e proyecto di Cinco Strea di gobierno Mike Eman.

Pa pueblo ta importante pa comprende cu e resultadonan financiero di e proyecto ta acompaña pa un suma di 653 Miyon Florin den e relato di Algemene Rekenkamer Aruba cu awor ta den man di Ministerio Publico.

E relato aki sigur por sirbi historia y splica pueblo di Aruba kico a pasa cu su placa.

- Advertisement -

DUNA COMENTARIO

Please enter your comment!
Please enter your name here