Home General BID no ta wordo valora manera mester ta

BID no ta wordo valora manera mester ta

195
0
SHARE
- Advertisement -

Director  Juan Roy Brete:

ORANJESTAD (AAN) – Awor cu gobierno ta trahando riba e sistema di digitalizacion, sr. Juan Roy Brete, director di e Bureau, a indica den entrevista cu DIARIO, cu BID mester bay fungi como un central di documentacion di gobierno, y no cu cada departamento tin cu maneha nan.

“Esaki pasobra si no ki historia ta bay tin di e documentonan?” sr. Brete a expresa. “Esey pa motibo cu e documentonan no ta solamente pa un decision cu mester wordo tuma, sino cu nan ta keda como historia pa Aruba”.

E documentonan aki mester wordo screen pa wak cualnan ta wordo scogi pa keda como historia pa Aruba y si laga e stucknan tur caminda, na final no tin nada.

Sr. Brete ta haya cu Minister Presidente a duna un bon splicacion cu e sistema di entrega documento ta keda mescos, pues cu tur stuck mester wordo entrega na BID, ora e ta bay den e sistema digital e sistema mes ta dune un number.

Señor Brete a comenta cu hopi hende, incluso ambtenaarnan mes, no sa con e documentonan ta wordo procesa den gobierno. Ora tin cambio di gobierno hopi biaha tin hende nobo ta bin for di sector priva, y nan ta kere cu e documentonan ta cana den gobierno mescos cu den e sector priva.  E empleadonan mester sa di dje, pasobra si no ta surgi problema, e director di BID a subraya.

Sr. Brete a señala cu BID mester wordo valora manera mester ta. Hasta un departamento cu ta huzga nan labor ta bisa cu “BID ta file so e ta file”. El a subraya cu si un documento no ta wordo bon archiva e por wordo perdi.  Tin hendenan cu ta perde casonan grandi pasobra nan no sa unda e file ta.

BID no solamente ta file e documentonan pero e ta duna informacion y nan tin hopi trabao. Nan ta hiba cartanan na diferente dienst cu no kier haci e trabao aki. Tin documentonan importante cu BID tin cu hiba un departamento, y ningun hende sa cu esaki ta asina.

BID ta hiba e cartanan pa e presonan den KIA. Sr. Brete a comenta cu tin lugarnan di sector priva cu ta pidiendo pa trahadornan di BID bay traha cu nan. Y cu tur gobierno cu bin, BID ta perde minimo 7 trahador. E por nenga nan, pero ta minister ta dicidi, y e kier pa nan bay tambe pa asina e stucknan cana manera mester ta.

No obstante e director ta sinti cu nada ta wordo valora. Ta wordo bisa cu BID ta e cerebro di gobierno, pero nan tin e scale di mas abao. “Con por ta? E ta imposible toch?”

El a sigui bisa cu otro instancia cu a bay cu un trahador di BID y ta dunando e un tremendo salario, pasobra e sa ki valor e tin, y e no por wanta nan na BID pasobra e no por stroba nan porvenir.

Sr. Brete a expresa cu e ta spera cu prome cu e bay, dentro di mas of menos dos aña cu e lo baha cu pension, cu su hendenan wordo bon valora. “Pasobra nan ta traha duro. Ami sa kico nan ta haci.

- Advertisement -

DUNA COMENTARIO

Please enter your comment!
Please enter your name here