Home Deporte “Bo Futuro ta den bo Man ta duna su frutonan”

“Bo Futuro ta den bo Man ta duna su frutonan”

128
0
SHARE
- Advertisement -

Harvey Clement: *un di e hobennan di 2016 a bira agente policial

ORANJESTAD (AAN): Durante un conferencia di prensa Diahuebs relaciona cu e Torneo di Reino cu ta bay tuma lugar na Boneiro, Harvey Clement a splica cu e proyecto yama ‘Bo Futuro den bo Man’ a cuminza na 2016 y cu e tabata tin e honor di forma parti di dje.

“Na momento cu nos a haye, nos tabata sumamente orguyoso di locual ta e beneficionan cu na final di cuenta e lo saca pa e hobennan”.

“Na 2017 ora cu Andin Bikker a asumi e responsabilidad di minister, el a carga e proyecto aki cu dos man y nos ta hopi agradecido cu el a sigui mantene e structura manera cu e tabata”.

Esaki segun Clement, kende a sigui bisa cu ta importante pa mira cu tin algo positivo pa e hobennan den esaki.

Segun Clement, for di e grupo muchanan cu a forma parti di e grupo na 2016 tin uno cu te hasta a bira un agente policial.

“Nos ta mira cu e proyecto riba su mes ta duna su frutonan”, segun Clement, kende a indica cu Gregory Lake ta bay ta e coach principal di futbol cu ta bayendo Boneiro cu e muchanan, mientras cu Maureen Croes y Melanie de Luc ta lidernan cu tambe ta yuda.

Clement, kende tambe ta bay ta un di e lidernan a bisa cu e muchanan ta bay haci nan maximo esfuerzo pa bin bek Aruba cu e titulo.

- Advertisement -

DUNA COMENTARIO

Please enter your comment!
Please enter your name here