Home Parlamento “CAFT ta duna advies pa aanwijzing, apesar di a baha deficit di...

“CAFT ta duna advies pa aanwijzing, apesar di a baha deficit di Mike Eman di 405 miyon na 2014 pa 25 miyon den 2019”

113
0
SHARE
- Advertisement -

Parlamentario Endy Croes:

ORANJESTAD  (AAN):  Parlamentario Endy Croes ta duna su opinion despues cu a reuni personalmente cu CAFT diabierna ultimo. Apesar cu dicho reunion di comision fiho cu CAFT ta uno ‘inhoudelijk’ y no por bay den publicidad cune, Parlamentario Croes kier vocifera su opinion.

Recientemente a keda demostra cu datonan concreto cu e maneho financiero di pais Aruba ta riba e bon rumbo. Tanto Minister di Finansas Xiomara Maduro y Minister Presidente Evelyn Wever Croes ta nabegando y fahando duro den un barco cu nan a hereda mal mal pega na rand di bancarota for di man di Mike Eman y AVP.

Documentonan extra oficial y cifranan di Banco Central ta reenforsa esaki, esta cu desde 2010 pa 2017 Mike Eman y AVP a mas cu redobla e debe nacional prestando 2000 y 200 MIYON esta 2.2 BIYON florin den nan fiesta cu a desostra nos finansas publico di tal manera casi ireparabel.

Aruba bek riba e bon rumbo

Bou di liderazgo di Evelyn Wever Croes y trabounan duro di Xiomara Maduro a logra cuminsa pone e barco Aruba bek riba e bon rumbo. Den menos di dos aña a logra baha deficit di Mike Eman di -9.3% di GDP esta 405 miyon pa solamente -0.5%  cual ta igual na solamente 25 miyon florin.

Ta premira cu pa otro aña esta 2020 Aruba lo alcansa un surplus di +0.5% esta 25 miyon. Momento nos alcansa e surplus, ta e ora ey finalmente nos por cuminsa paga e debe di Mike Eman y AVP cual Mike a grita cu e ta orguyoso di e debe pero nunca a bisa pueblo con lo bay pag’e. Banda cu den rapport di CAFT di 2 di september 2019 nan ta admiti tur esaki y alabes nan ta admiti cu entradanan di gobierno pa cu e promer mitar aña ta “on target” esta 51.2% y tambe CAFT ta admiti cu gastonan di gobierno ta 46.6%, esta bou di 50% cu ta tremendo, toch e Hulandesnan usando strategia politico ta duna un advies na Koninkrijks Ministerraad pa duna Aruba un aanwijzing.

E abismo cu Mike a laga atras

Parlamentario Endy Croes no ta contento at all cu esaki y a vocifera esaki na miembronan di CAFT. No por ta asina cu pa 8 aña largo Mike Eman y tur su secuasenan a endeuda e pais aki cu deficitnan astronomico y desde 2015 cu CAFT tambe tabata t’ey ningun musca a bula y a duna nan liña laga nan bay. Awor cu tin un gobierno “drechi” di homber y muhernan balente pa drecha e caos, CAFT kier actua riba locual Parlamentario Endy Croes ta considera mierenneukerij.

Parlamentario Croes ta bisa cu nos ta cana den pueblo y ta reconoce nan dolornan pero nos ta consciente tambe cu mester drecha Aruba y saca e pueblo aki di e abismo cu Mike a laga atras. Esaki ta exigi inteligencia pero un balance tambe pa bo no strangula un pueblo. Nos tur sa cu cada baby cu nace awe tin un debe di 40.000 florin di debe riba su cabes. CAFT a confirma esaki den su conferencia di prensa di januari 2019. Henter e pueblo tin un debe di 40.000 florin cu Mike a regal’e. Awor cu ehercisionan sobrehumano ta wordo haci asina mes CAFT ta duna conseho pa un aanwijzing? Endy ta considera esaki actuacion di hendenan cobarde y na hulandes bo ta yama nan lafaard.

Parlamentario Croes ta splica di lo keda trata tur cu respet pero ta spera cu nan por compronde nos situacion y brinda sosten cu nan experticio sin mester keda menasa pa cosnan chikito cual no ta yuda na nos relacion. Admiti boso fout tambe y ban sigui hunto dilanti Croes ta termina splicando.

- Advertisement -

DUNA COMENTARIO

Please enter your comment!
Please enter your name here