Home General Cas na Weg Sero Preto a worde basha abao pa trece trankilidad

Cas na Weg Sero Preto a worde basha abao pa trece trankilidad

74
0
SHARE
- Advertisement -

ORANJESTAD (AAN): Despues di basta aña cu e habitantenan y tambe scolnan tabata haya molester di esnan cu ta drenta e cas na Weg Seroe Pretoe 3, porfin riba Diamars a logra keda cla cu e opruiming completo.

Pa varios aña Bureau City Inspector tabata hayando keho di e habitantenan den vecindario y tambe di e personal di e scolnan.

Hecho ta cu adictonan tabata usa e cas pa den forma scondi nan dal nan curpa cu droga.  Esaki tabata un super mal ehempel pa e studiantenan den e vecindario.  Di varios siman caba tabatin plan pa basha e cas abao.  Sinembargo e dak di e cas tabata di asbesto y esaki tabata un di e motibonan cu a tarda pa por a logra.

Awor despues cu a laga un compania profesional desmantela e asbesto completo bao guia di DTI, personal di Serlimar a logra di ruimop e resto di e cas completo.

City Inspector a papia cu algun habitante den vecindario cu tabata super contento cu e trabao porfin a worde haci.  City Inspector ta manda danki na Serlimar, D.T.I., D.O.W. y K.P.A. y tambe na Gobierno di Aruba.

- Advertisement -

DUNA COMENTARIO

Please enter your comment!
Please enter your name here