Home Impuesto Como 84% di e automobilistanan a cumpli cu e pago di impuesto...

Como 84% di e automobilistanan a cumpli cu e pago di impuesto di vehiculo di motor

12
0
SHARE
- Advertisement -

Meverly Romano di Departamento di Impuesto

ORANJESTAD (AAN): Vocero di Departamento di Impuesto, Meverly Romano a revela cu na e momentonan aki tin un cantidad di 87.531 number di auto registra y di e cantidad aki 84% di e automobilistanan si a cumpli cu e pago di e impuesto di vehiculo di motor.

Romano a agrega cu esaki ta representa 73.648 cliente y DIMP ta hopi contento cu e grupo aki. Ta mas cu mitad y esey ta algo positivo.

Falta ainda 13% (11.097) cu no a cumpli y e otro cu falta ta e 3% di e personanan cu a entrega nan plachi di number, sea cu nan auto a accidente of cu no ta den uzo, entre otro motibo.

Pa loke ta e 84% cu si a cumpli, DIMP ta gradici nan pa a completa e pago di e impuesto aki. Esaki ta demostra e respet cu nan tin pa e leynan y otro automobilistanan cu ta comparti e careteranan publico.

E personanan cu no a paga ainda a haya caba un carta unda ta indica cu nan tin cu bay paga boet pa e tardanza cu pago. Esaki kiermen 50% di boet, Romano a duna di conoce.

Esnan cu no a paga nada di 2019, nan a haya dos carta. Un pa cada mitad di aña y ta incluí 50% di boet.

- Advertisement -

DUNA COMENTARIO

Please enter your comment!
Please enter your name here