Home Enseñanza Cuatro scol piloto a wordo scogi pa ta parti di e proyecto...

Cuatro scol piloto a wordo scogi pa ta parti di e proyecto ‘Natuur en Milieu Educatie’

198
0
SHARE
- Advertisement -

Samuel Dumfries di Directie Onderwijs a splica:

ORANJESTAD (AAN):  Samuel Dumfries ta un di e personanan cu a traha ariba e proyecto ‘Natuur en Milieu den Enseñanza (NME Pilot Program) cu a keda introduci diabierna na Parke Arikok.

Dumfries a splica cu e meta di e proyecto aki ta pa siña e muchanan over di flora y fauna pero den un manera extra curricular y pa nan haya un idea di kico precis ta pasando den medio ambiente aki na Aruba.

Pa yega na e proyecto aki a papia cu diferente instancia manera Directie Natuur en Milieu (DNM), Santa Rosa (LVV). Directie Onderwijs. A traha un curriculum di Hulanda y asina a hacie mas amplio cu ta posibel.

Ta cuminza e proyecto cu 4 scol piloto y kier pa e muchanan for di chikito cuminza compronde cu naturaleza ta hopi valioso, a indica.

“A amplia e echo cu no ta solamente e muchanan aki, pasobra nan ta e adultonan di futuro, pero tambe e docentenan, e train docentenan cu ta entusiasma”, a remarca.

Dumfries a laga sa cu Directie Onderwijs a haya e opdracht aki y hunto cu e team via un decreto ministerial (MB) nan a haci nan best pa haci un producto cu por traha. Nan a haya informacion como tambe training di Hulanda, pero awor cu expertonan local ta bay traha algo cu ta traha pa Aruba.

Banda di esaki Natasha Silva, Chief Conservation Officer na Fundacion Parke Nacional Arikok, a expresa cu nan ta contento di por traha den e proyecto piloto aki y pa e cooperacion cu tin.

Educacion ariba medio ambiente, flora, fauna y tambe ariba sostenibilidad ta un meta grandi di Parke Nacional Arikok, a subraya.

Aunke ta un proyecto piloto e ta sigur cu ta bay sigui cu esaki den e cuadro grandi di educacion pasobra e ta asina hopi importante pa e hobennan y pa comunidad en general, Silva a bisa.

Conservation Education Manager di Parke Arikok, Sietske van der Wal a agrega cu esaki ta un di su metanan mas grandi pa siña e muchanan tocante naturaleza y medio ambiente na un manera mas practico.

E enfoke ta bay ta pa e hobennan por compronde naturaleza mas mihor pa asina nan por stim’e y door di esey nan ta bay yuda conserv’e.

El a menciona por ehempel, cu hopi hende tin miedo di e raton di anochi pasobra tin e pensamento cu nan ta vampiro. Pero realmente, rond mundo tin 1300 tipo di raton di anochi y solamente 3 di nan ta vampiro y sigur ningun di nan ta na Aruba.

Na Aruba tin 8 tipo di raton di anochi y 6 di nan ta yuda como un pest controller pasobra nan ta come insectonan. Door di nan tin menos sangura. Banda di esey tin dos tipo cu ta come fruta y nectar di e cadushinan, anochi.

Kiermen, un bestia cu hende tin hopi miedo di dje a bira un animal crucial pa medio ambiente pasobra si e lo cay afo no lo tin cadushinan mas y hopi di e bestianan na Aruba, den temporada di secura, ta come di e cadushinan, a remarca.

Pesey Parke Nacional kier pone enfasis ariba algun animal specifico pasobra si nan cay afo, su extincion lo nifica cu medio ambiente na Aruba tambe lo bay perdi, Van der Wal a señala.

- Advertisement -

DUNA COMENTARIO

Please enter your comment!
Please enter your name here