Home Policial Cuerpo di Polis cu ‘minimum bezetting’ pa dos ora diabierna awor

Cuerpo di Polis cu ‘minimum bezetting’ pa dos ora diabierna awor

257
0
SHARE
- Advertisement -

KPA ta bay den accion diabierna atardi

ORANJESTAD (AAN): Diahuebs mainta Sindicato di Polis SPA y nan miembronan a tene un reunion den Club POVA. Jose Dirksz, presidente di SPA tabata den oranan di atardi dilanti di Bestuurskantoor unda a entrega un carta relaciona cu e reunion di mainta.

E agenda punt di e reunion tabata e tema di indexering. El a indica cu for di April tur e sindicatonan ta bezig ta sinta cu gobierno na mesa pa wak con pa paga indexering, cu tin di haber cu e inflacion di 2018 cu ta 3.6% y mitad aña di 2019 cu ta 4.6%.

Dirksz a remarca cu nan a reuni por lo menos 7 biaha y te ainda ningun contesta concreto a bin di parti di gobierno.

Dos siman pasa, SPA a bolbe tene un reunion y un di  e puntonan di agenda tabata indexering. A splica e polisnan cu no tabata tin ningun contesta concreto di con indexering lo bay wordo paga di 2018.

E presidente di Polis a indica cu e coleganan a duna nan mandato pa manda un carta cu un ultimatum cu a vence siman pasa, diahuebs 2or. Den e carta concretamente nan tabata kier sa con gobierno lo bay paga e inflacion di 2018.

Nada no a pasa y pesey nan a bolbe reuni diaranzon cu e miembronan di SPA pa bisa nan cu no a haya ningun reaccion di gobierno, locual e miembronan no a acepta y haya cu esey ta un falta di respet pa e trahadornan.

Jose Dirksz a remarca cu nan a haya mandato pa skirbi gobierno un carta unda ta informa cu ta bay tin un accion di ‘minimum bezetting’. Esey kiermen cu tur departamento di Cuerpo di Polis lo bay tin un ‘minimum bezetting’ di dos ora, diabierna 11 di October. di 1 pm pa 3 pm.

E dia aki tur lo ta ariba dienst pero cada afdeling ta bay tin e minimo di personal. Sindicato lo bay reuni cu mayoria di hende na POVA den e ora menciona pa asina por wak ki otro opcionnan por tin durante e accion ey.

SPA kier comprension di comunidad ya cu ta un lucha y un derecho como trahador, a bisa. Polis tambe como sindicato ta kere cu a yega ora pa tuma accion.

E intencion ta pa entre diahuebs y diabierna, gobierno reacciona y bin cu un propuesta pa e ora bay bek cerca e miembronan.

 

- Advertisement -

DUNA COMENTARIO

Please enter your comment!
Please enter your name here