Home Parlamento Dia 25 di October pueblo ta invita pa bay Parlamento pa CAft...

Dia 25 di October pueblo ta invita pa bay Parlamento pa CAft splica pakico kier duna Aruba un KB

0
0
SHARE
- Advertisement -

Parlamentario Edgard Vrolijk

ORANJESTAD (AAN):  Dia 25 di October proximo, CAft lo tin cu bay Parlamento y relaciona cu esaki Parlamentario Edgard Vrolijk di MEP a expresa cu e ta invita pueblo di Aruba pa bay topa CAft.

Mester reta nan pa splica pueblo  di e cifranan cu Aruba no ta bay cumpli di personal. El a menciona cu di 2015 pa 2016, bao gobierno di AVP a pone cifranan pa baha e contratacion di personal na 28 miyon. 3 miyon den mitad aña y na final di aña 6 miyon. “Unda e KB a keda? Unda e menazanan a keda?”, Vrolijk a expresa.

Aworaki Caft kier menaza cu e Crisis Sociaal Plan y kier bin cu hopi cos cu no ta cuadra. E parlamentario a bisa cu al contrario, ta cumpliendo cu normanan y na e momento aki ta creando e panorama pa asina pa prome biaha tin un presupuesto cu un plus di 25 miyon.

AVP a firma cu CAft cu nan lo a baha personal, y esey nan no a cumpli. Unda Caft a keda tocante personeel?, Vrolijk a agrega.

El a manifesta cu si CAft kier duna un KB mester stop di menaza y dun’e. Pero dun’e y bisa pakico y compara cu e añanan prome dicon no a duna KB.

“25 di October mi ta haci un peticion na pueblo di Aruba, bin akinan parlamento pa CAft por splica bo pakico e ta dunando pueblo di Aruba un KB. A base di kico, pasobra no tin ni un motibo pa locual  a ser firma den protocol. Nos ta cumpliendo cabalmente y diripiente kier haci wega cu Crisis Sociaal Plan, haciendo manera cu esaki nos kier enrikece hende”, a expresa.

E parlamentario ta haya jammer cu cada bes Hulanda kier bin menaza e gobierno aki mientras cu otro gobierno a trata cu handschoen di felpa. E ora mester bay bek na tur lo cual mester a haya un KB na 2015, 2016, 2017.

A bisa cu awendia cu Gobierno ta haciendo lo corecto, ta haya onvoldoende rapport. Pesey ta pidi Hulanda traha obhetivamente y pa Aruba wordo trata cu respet.

Loke Gobierno ta pidi ta tempo. No a pidi ni un florin na Hulanda, a remarca.

- Advertisement -

DUNA COMENTARIO

Please enter your comment!
Please enter your name here