Diabierna 25 di October sindicatonan y conseho di minister lo reuni riba tema indexering

    111
    0
    SHARE
    - Advertisement -

    Sindicatonan a pone plan pa otro siman on hold:

    ORANJESTAD (AAN) – E bloke sindical cu a reuni Diahuebs mainta den un encuentro informativo, relaciona cu e tema di indexering, mas atardi a ricibi un carta di gobierno den cual ta invita nan pa un reunion Diabierna 25 di October, pues otro siman.

    E invitacion aki ta pa nan reuni cu conseho di minister, unda cu gobierno ta bay presenta un proposicion, loke durante tur e lunanan anterior cu nan a reuni cu gobierno no a logra.

    Den e reunionnan ey gobierno solamente a pidi tempo y espacio. E Presidente di SADA Eduard Maduro a duna di conoce esaki, y el a agrega cu e sindicatonan a mustra cu nan tin seriedad den esaki, y sa kico e pensamento di gobierno ta riba esaki.

    Maduro a reitera cu nan kier a purba evita tur sorto di accion of reunionnan asina aki, pa nan yega na un solucion na mesa cu gobierno, pero lamentablemente esaki no a sosode.

    Mirando cu SIMAR, SADA, SEPPA y SPA a haya mandato di nan miembronan pa tuma stapnan mas leu, Diahuebs atardi nan lo a informa tur nan coleganan miembro pa keda pendiente, y cu nan ta bay pone on hold e plannan cu tabata tin pa e siman cu ta bin, na spera di e reunion cu gobierno Diabierna otro siman, merdia. Y despues di esaki nan ta bay wak si ta necesario pa sigui cu e stapnan cu e miembronan a indica.

    - Advertisement -

    DUNA COMENTARIO

    Please enter your comment!
    Please enter your name here