Home Cultura Diahuebs awor tin presentacion di “Rescate di memoria, pasobra abo tambe ta...

Diahuebs awor tin presentacion di “Rescate di memoria, pasobra abo tambe ta conta”

20
0
SHARE
- Advertisement -

ORANJESTAD (AAN) – Diahuebs awor dia 17 di October, Biblioteca Nacional ta presenta “Rescate di memoria, pasobra abo tambe ta conta”. Esaki lo tuma lugar pa 6.30 di atardi te cu 10’or di anochi  den e antesala di Biblioteca Nacional.

E anochi aki cuater persona hopi destaca pa nan talento lo wordo honra. Tambe lo tin un triologia di musica, canto y baile.

Esaki ta un parti unda ta bay presenta e bida di sr.  Joe Dania como reciclado, kende recientemente a cumpli 100 aña, unda e ta uza su man cu su creatividad, y lo mustra tambe un cuadro cu el a entrega na Biblioteca Nacional como recuerdo, unda e ta hiba hopi adulto na su momentonan di infancia.

E anochi aki tin un elenco tambe cu ta bay des-memoriza bay cien aña atras. Den e cuadro aki fuera di e documental di Joe, el a hiba combersacion cu sr. Frank Williams, un persona masha conoci den e comunidad como educador (maestro) y docente di Ingles, y el a traha algun composicion poetico dedica na dos amigo di dje.

Otro personanan cu lo wordo honra ta  Ronny Kock di Savaneta y tambe na e pianista Johnny Scharbaai, cu ta investigador tambe ademas cu a cautiva pueblo cu su manera di toca.

Un invitacion ta bay na henter pueblo di Aruba pa bishita Biblioteca Nacional Diahuebs awor dia  17 di October y asina presencia e bunita presentacion aki di “Rescate di memoria pasobra abo tambe ta conta”.

 

- Advertisement -

DUNA COMENTARIO

Please enter your comment!
Please enter your name here