Nan a bay cu cantidad di joyas
ORANJESTAD (AAN): Diahuebs mainta pa mas o menos 11:30, Central di Polis a wordo notifica cu un atraco a tuma lugar na e joyeria Little Europe.
Mesora, Team di Polis a moviliza pa e area unda e joyeria ta ubica, esta den cercania di waf.
E informacion tabata cu dos hende homber, cada un cu un arma candela, a drenta den e lugar y a bay cu un cantidad di joyas.
E dos atracador tabata papia spaño. Nan no tabata tin cara tapa. Informe di Polis ta indica cu e criminalnan a huy den un Toyota Yaris shinishi.
Un rato despues patruya di polis a haya e auto Toyota Yaris na altura di Aruba Juniors.
Atraco Team a presenta na e sitio di e sucedido. Tambe polis tecnico y slachtofferhulp.
Cuerpo di Polis ta haci un apelacion na cualkier persona cu por a wak algo of sa algo pa yama tiplijn di polis cu ta 11141.
