Home Deporte E 12 muchanan escogi pa bay Torneo di Reino a wordo bon...

E 12 muchanan escogi pa bay Torneo di Reino a wordo bon prepara

161
0
SHARE
- Advertisement -

ORANJESTAD (AAN): Jacky van Putten a wordo escogi pa coordina e proyecto di Torneo di Reino, cu ta bay ta di 6 te cu 11 di October na Boneiro.

Durante un conferencia di prensa di Gobierno, van Putten a splica cu na prome instancia lo no por a bay cu un equipo di baseball di Aruba, pero despues cu el a insisti cu Hulanda, nan a duna nan OK.

Hulanda a stress si pa mantene na e meta, cu ta e ta pa muchanan di 12 pa 14 aña, cu ta atende un school secundario profesional basico.

Banda di esaki e muchanan lo no mag di ta forma parti caba di un equipo di baseball.

“Asina nos a cuminza busca e muchanan aki, yuda pa polis di bario Matthew y meneer Willems di Centro di Bario Brazil, unda cu a bay acerca diferente school na San Nicolas, entre otro EPB y SPO”.

“Nos a papia cu e docentenan y asina nos a logra haya 20 mucha pa cuminza cu e proyecto”.

Esaki segun van Putten, kende a indica cu mirando cu tabata tin mester di material, el a bati na porta di Sandra Brown, kende via e fundacion di su yiu homber Xander Bogaerts a bisa cu e lo yuda cu mil amor.

Van Putten a splica cu e trainingnan a tuma lugar dos biaha pa siman den oranan di atardi na e veld Centro di Bario Brazil.

Como cu tabata tin mester di coachnan, Roberto Kock a wordo acerca, hunto cu Norman Sylvania y Edmond Jones, mientras cu Matthew mes tambe a yuda.

“Banda di nan Carlos Benjamin a coopera hopi bon pa tur cos cana manera debe ser”.

Esaki segun van Putten, kende a splica cu na Augustus/September mester a selecta 12 di e 20 muchanan.

El a indica cu esaki tabata un tiki dolor pa e muchanan cu no a wordo selecta, pasobra ta 12 so por bay.

E ta un equipo bon mixto, di muchanan di Skol Duna un Man, EPB, Caiquetio School y di SPO.

 

E muchanan a wordo escogi segun e exigencianan cu ta inclui cu nan tabata tin mester di ta presente na tur training, e parti di school mester ta positivo y e muchanan mester tin disciplina.

“Banda di e deporte, Hulanda a indica cu mester educa e muchanan tambe y pesey a organiza un mini camp di dos biaha pa siman”.

“Nos a organiza lectura, mientras cu polis Lito Lacle a duna un splicacion riba kico ta bario, kico ta criminalidad y kico bo por encontra riba caminda si bo no haci e bon escogencianan den bida”.

“Gregory Milliard tambe a papia cu e muchanan di su experiencianan di bida, John Tromp di ImSan a duna un splicacion di EHBO na e muchanan, mientras cu un psicologo Drs. Vis a duna e muchanan un presentacion riba “ken bo ta”.

Esaki segun van Putten, kende a sigui bisa cu e muchanan a bishita brandweer na Tanki Flip, nan a bay Parke Arawa y nan a bay na e centro di entrenamento di Gregory Milliard, unda cu nan a siña kico ta MMA.

 

- Advertisement -

DUNA COMENTARIO

Please enter your comment!
Please enter your name here