Home Gobierno E aspecto mas importante di e MOU ta cu gobierno lo bay...

E aspecto mas importante di e MOU ta cu gobierno lo bay haya e control di waf y terminal

75
0
SHARE
- Advertisement -

Premier mr. Wever Croes:

ORANJESTAD (AAN) – Prome Minister mr. Evelyn Wever-Croes a sigui splica den conferencia di prensa, tocante e finalizacion di e contrato cu Citgo, cu e aspecto mas interesante den e firmamento di e MOU, ta cu gobierno ta bay haya e control di waf y di e terminal, cu tambe mester haya su mantenimento cu no a tuma lugar.

CONTROL DI WAF Y TERMINAL:

E dignatario a bisa cu por corda riba e bon temponan di Wickland Oil, cu nan tabata opera e tankinan cu hopi ganashi.

Citgo ultimo tempo, segun e mandatario, lamentablemente a neglisha e tankinan aki, y apesar di esaki nan tin un balor hopi halto ainda.

E dignatario a subraya cu gobierno lo percura pa e parti di e industria aki bira hopi exitoso, genera entrada pa gobierno, cu ta loke gobierno ta buscando tambe, y crea cuponan di trabao. E mandatario a indica cu otro beneficio hopi importante pa e terminal aki ta, cu den e traspaso aki, FMSA (Fuel Marketing & Supply Aruba) cu ta esun encarga cu e suministro di fuel na Aruba, e mes ta bay mantene e tanki y e instalacionnan.

E no ta bay depende di Citgo y ta bay haya e control tambe di e instalacionnan crucial aki, cu por suministra fuel sin interupcion, y tampoco tin nodi di paga mas e “true put fee” cu awor ta wordo paga, loke ta nifica cu gastonan ta baha.

EMPLEADONAN:

E mandatario a señala cu otro punto ta e empleadonan. El a reitera cu gobierno a pone como condicion den e negociacion aki, cu empleadonan mester ta central.

E punto di salida pa nos gobierno ta cu e empleadonan ta mantene nan trabao. En todo caso, mas empleado posible bao e operador nobo di e refineria. Anteriormente, Citgo a indica cu nan no tin e fondonan pa sigui paga e empleadonan, pero nos a pone como exigencia cu nan tin cu paga nan cien porciento.

Awe, nos por bisa cu nos a yega asina leu. No solamente empleadonan pero tambe e contratistanan, y varios contratista local, cu Citgo tin debe halto cu nan, y cu esaki nos a yega na palabracion cu nan tin cu wordo paga.

 

- Advertisement -

DUNA COMENTARIO

Please enter your comment!
Please enter your name here