Home Gobierno “E inversion di 50 miyon dollar ta demostra e nivel di confianza...

“E inversion di 50 miyon dollar ta demostra e nivel di confianza cu tin den Aruba”

280
0
SHARE
- Advertisement -

Minister di Turismo:

ORANJESTAD(AAN): Minister di Turismo Dangui Oduber Diaranzon a conta e publico presente cu e ta sinti su mes honra cu su tata, ex Prome Minister di Aruba Nelson Oduber ta e mandatario encarga cu trece e prome hotel di Hyatt pa Aruba, mientras cu awor e como Minister di Turismo e ta corta sinta pa e hotel mas reciente di Hyatt pa habri su portanan na Aruba, esta Hyatt Place Aruba Airport.

“Porfin nos por duna bon bini na huespednan na e bunita propiedad aki”.

“Hyatt Place ta un ehempel real di dedicacion real, no solamente na e industria di turismo di Aruba, sino tambe na su habitantenan”.

“Mi ta contento di tende cu 42 di e 43 miembronan di staff di e hotel ta hendenan local”.

“Mas contento ainda mi ta di tende cu nan ta bay wordo guia pa un tremendo lider hopi califica, General Manager Marta Raven”.

Esaki segun Minister Oduber, kende a sigui bisa cu e inversion den e proyecto tabata 50 miyon dollar, cu tabata tin un bon spin-off effect pa nos economia local.

E mandatario a sigui bisa cu e hotel cu ta inclui un piscina, salanan di reunion y hopi mas, ta dirigi riba e viaheronan di negoshi, pero tur tipo di viahero lo sinti nan mes na cas den e hotel.

“E inversion ta demostra e nivel di confianza cu tin eyfo den Aruba y di otro banda Gobierno a priminti pa sigui mehora e desaroyo sano di turismo, pa keda competitivo den e sector aki”.

Esaki segun Oduber, kende a menciona proyectonan manera e ‘boardwalk’ na Malmok, promenade di Baby Beach y renovacion di e area di Bushi Beach.

- Advertisement -

DUNA COMENTARIO

Please enter your comment!
Please enter your name here