Edad di hobennan cu ta comete delito a cuminza baha y ta cometiendo delitonan mas serio

    297
    0
    SHARE
    - Advertisement -

    Edad ta entre 11 y 12 aña

    ORANJESTAD   (AAN):  Seraida Leonard directora di  Stichting Reclassering en Jeugdbescherming a duna di conoce den entrevista cu DIARIO cu ora cu un hoben cay cera, nan ta wordo yama pa acudi na warda di polis.

    Reclassring ta haciun reinventarizacion di e circumstancianan personal y kico lo a hiba e hoben pa comete e delito y tambe cual ta e ayudo necesario pa nan no bolbe ripiti e acto, a bisa.

    Durante añanan, nan a ripara cu e promedio di e hobennan cu ta drenta Reclassering no ta cambionan drastico. Pero si a wak cu e edad a cuminza baha. Ta haya hobennan di 11, 12 aña cu tambe ta cometiendo delitonan y loke Reclassering ta wak tambe ta cu e delitonan a bira mas serio, Leonard a remarca.

    Antes e hobennan tabata cay cera pa bringamento na scol of hortamento di bicicleta, cosnan un tiki mas leve. Pero awo ta wak cu e hobennan ta bayendo pa posesion di arma, benta di droga y tambe atraconan.

    Pa locual ta e sistema hudicial na Aruba ta hiba e edad di menor di edad te cu 17 aña. Na momento cu tin hobennan di 18 aña bay ariba cu ta cay cera nan ta wordo trata como adulto y eynan ta unda aworaki Reclassering a cambia su maneho.

    Reclassering ta considera menor di edad te cu 17 aña, pero tin adultonan hoben (jong volwassen) te cu 23 aña. E edad entre 18 pa 23 aña, Reclassering ta ripara cu eynan tambe tin un necesidad hopi grandi pa nan focus ariba e grupo ey, Seraida Leonard a indica.

     

    - Advertisement -

    DUNA COMENTARIO

    Please enter your comment!
    Please enter your name here