Home Cultura Entrega di certificado na participantenan di e prome curso di tecnica di...

Entrega di certificado na participantenan di e prome curso di tecnica di uso di calki

44
0
SHARE
- Advertisement -

ORANJESTAD (AAN): Na final di september Stichting Monumentenfonds Aruba (SMFA) hunto cu Stichting Rancho y Parvenir Heritage Restoration and Maintenance Company Ltd. di Trinidad and Tobago a organisa e curso ‘Basic Level Traditional Masonry Course’.

E curso a consisti di un parti teoretico y un parti practico. Pa locual ta e curso teoretico , a conta cu presentacion di Minister di Cultura, Xiomara Ruiz Maduro, directora di Monumentenbureau, Yvonne Webb-Kock, Raymundo Dijkhof di Museo Arkeologico , Justin Charles, director di Parvenir y Anne Witsenburg cu ta e directora di SMFA.

E curso practico tabata bou di direccion di Justin Charles, director di Parvenir, cu tin un experticio amplio den proyectonan di restauracion den e area di Caribe.  Un total di 17 participante a siña tocante e tecnica di uzo di calki pa asina por restaura y mantene edificio y obhetonan monumental.
Na final di e curso Minister di enseñansa a haci e entrega di e certificado di Enseñansa pa Empleo na e participantenan.

E meta principal tabata pa crea e experticio local pa asina e personanan aki por traha tambe den futuro riba proyectonan di mantencion y restauracion di monumentonan pa cual mester haci uzo di calki.

Cu e curso tambe a duna inicio na e proyecto di restauracion di e forno di Kalki. Actualmente Parvenir ta sigui cu e restauracion cual lo tin un duracion di aproximadamente cuater siman mas. Tambe ta conta cu cooperacion di Parke Nacional Arikok pa medio di nan rangersnan cu a completa e curso, nan lo sigui traha hunto cu Parvenir pa asina completa e restauracion.

SMFA kier gradici tur e instancianan cu a contribui  pa asina por a logra e curso di Basic Level Tradional Masonry Course y e proyecto di restauracion di e Forno di Kalki den Rancho; Aruba Bank, VNO, Unoca, Prins Bernhard Cultuurfonds Caribbean, Parvenir Heritage restoration and Maintenance Company,  Stichting Rancho, Museo Arkeologico, Monumentenbureau, Ministerio di Cultura, Enseñansa pa Empleo, Parke Nacional Arikok, Fast Delivery Services, U.T.L.T., Van Kessel Havenbouw N.V.

- Advertisement -

DUNA COMENTARIO

Please enter your comment!
Please enter your name here