ORANJESTAD(AAN): Aruba Photo Room ta un colaboracion entre otro Organizacion di Estados Americanos (OEA) y Talk of the Town Hotel.
Den un entrevista e coordinador di exhibicionnan di Aruba Photo Room Eva Gonzalez a splica cu e idea ta pa trece un concepto di arte sostenible.
“Manera nos tine riba e murayanan, e ta manera un graffiti”.
“Ora bo wak e bo por mishi cune, pasobra e no tin seguridad, cu no ta algo normal pa arte”.
“Bo por adkiri e arte tambe na prijsnan hopi mas abao cu e original “.
Esaki segun Gonzalez, kende a indica cu e piezanan di rate tur ta disponible pa cumpra.
Locual tabata na e evento na Talk of the Town tabata muestranan y esnan cu kier a cumpra e arte por a pidi pa esaki y esaki lo bin for di Washington cu un autentificacion di e fotografo.
Gonzalez a splica cu Fabian Goncalves Borrega, kende ta traha na Washington DC, den e museo di arte di Las Americas.
Tur e artistanan ta di Latino America, of paisnan observador di OEA.
“E exhibicion yama: Cartografias Intimas y ta un manera pa explora pasamento di tempo y lugarnan y cada artista tin un interpretacion unico”, segun Gonzalez.
E exhibicion cu a cuminza riba 24 di October, ta bay keda te cu 17 di Januari 2020.
