Home General Expertonan mester dicidi riba calidad vangrail brug Spaans Lagoen

Expertonan mester dicidi riba calidad vangrail brug Spaans Lagoen

88
0
SHARE
- Advertisement -

Investigacion tecnico lo mester dicidi riba posibel cambio

Aspectonan importante di siguridad mester wordo studia 

ORANJESTAD(AAN)–E accidente cu a wordo registra Diabierna na e brug nobo di Spaans Lagoen, ta keda topico di combersacion. Na mes momento e ta exigi hopi trabou di expertonan cu mester dicidi si e structura di vangrail na e brug, ta cumpli cu tur exigencia di siguridad.

E velocidad halto cu tabata wordo manteni dor di chauffeurnan  cu tabata envolvi den e accidente na e brug di Spaans Lagoen, segun prome investigacionnan a bira causa directo di e accidente.

Pa autoridad awor investigacionnan mas profundo lo cuminsa. Mester bay investiga e calidad di e construccion cu mester por resisti impactonan fuerte.

Informacionnan ta mustra cu pa cada tipo di construccion tin exigencia. Den e caso aki ta papia di un brug, cu ta eleva riba suela. Esaki ta haci cu no solamente peliger cu un auto ta kita for di caminda y keda destrui den e vangrail.

Na haltura halto, manera tabata e caso na Spaans Lagoen, mester tin vangrail cu por soporta e impacto fuerte di velocidad y peso di vehiculonan.

“Construccion di un brug ta exigi pa vangrail ta mas fuerte cu vangrail na un caretera,” expertonan a mustra. E material cu ta wordo uza mester ta mas resistente y mester evita cu ora un vehiculo dor di peso of velocidad exagera dal den e vangrail, e no ta capaz pa destrui e proteccion pa no cay den abismo.

Na e momento aki pues e parti tecnico di e brug ta bira hopi importante. Lo midi e proteccion contra caida di vehiculonan y si ta necesario lo mester bay adapta tur parti di e brug caminda e proteccion contra caida, no ta adecuado.

Tin un trabou importante pa tecniconan experto den e materia aki y sigur guia lo wordo duna dor di expertonan internacional.

DIARIO lo keda pendiente pa tur desaroyo den loke a causa impacto grandi na Aruba.

- Advertisement -

DUNA COMENTARIO

Please enter your comment!
Please enter your name here