Home General FADA a lanza documentario cu historia conta pa seis persona cu a...

FADA a lanza documentario cu historia conta pa seis persona cu a cay den adiccion

49
0
SHARE
- Advertisement -

En conexion cu su di 35 aniversario:

ORANJESTAD(AAN) — Recientemente, Fundacion Anti Droga Aruba (FADA), a lanza su proyecto nobo, en conexion cu e di 35 aña di existencia di e fundacion, cu ta consisti di un documentario cu ta e testimonio di seis persona cu a cay den e mundo di adiccion na droga.

Prensa a wordo invita pa e presencia e prome capitulo di e seis casonan cu ta mustra un realidad cu Aruba tambe tin.

Sra. Cindy Lacle, Trahador Preventivo di FADA a splica prome cu e lanzamento, cu esaki ta un proyecto cu a tuma hopi tempo, pasenshi y dedicacion pero cu nan final, nan ta entrega pueblo un proyecto hopi bunita unda e comunidad por presencia un serie documentario basa riba bida real, di seis persona.

E seis personanan ta hende cu a cay den adiccion. Di nan tin cu a rehabilita caba, tin cu ta den proceso di rehabilitacion y tin cu ainda ta den e mundo di adiccion y cu ta den e mundo di adicto ambulante.

Sra. Lacle a splica cu e proposito di e documentario aki ta pa mustra pueblo, y specialmente e hubentud, kico ta e factornan cu por contribui pa un persona, sea chikito of grandi, tuma mal decisionnan y mal escogencia.

Tin diferente factor of origen, por ta abuso for di chikito caba, ya sea sexual, fisico, emocional y verbal, of traumanan cu e persona por a experiencia for di chikito. Tocante esaki e personanan mes ta conta di nan bida, nan ta duna nan testimonio kico a pasa cu nan, te yega na e punto cu nan a realiza cu nan ta adicto.

Tin di nan ta bisa cu nan ta adicto ambulante pa añana, sra. Lacle a indica.

El a expresa si, cu na final ta mustra cu tin speranza, cu tin solucion, cu tin hende cu ta worry pa nan, pa logra sali for di e situacion di adiccion aki. Sra, Lacle a subraya cu e documentario aki ta encera hopi emocion, y e tin autorizacion di e seis personanan pa duna nan testimonio, y mustra e pueblo di Aruba cual ta e origennan, cu por hiba un mucha na tuma un mal decision.

Lacle a reitera cu e trabao aki a costa hopi sudor di e trahadornan di FADA y nan a lanza esaki pa pueblo di Aruba en conexion cu e 35 aniversario di e fundacion.

FADA ta gradici pueblo di Aruba pa su sosten, y cu nan por a drenta cas di e ciudadanonan cu e documentario aki, cu nan a habri nan portanan, y FADA lo tey pa largo pa sigui sirbi e pueblo di Aruba y yuda concientiza no solamente e hubentud cuminzando for di esnan mas chikito, pero tur adulto tambe, tocante e uso y abuso di droga legal y ilegal.

FADA ademas, ta amplia su trabao dunando tur e muchanan e hermentnan necesario pa tuma e decision corecto, pasobra un dia ta bay yega cu nan ta bay wordo introduci cu droga y FADA kier mustra nan cu por BISA NO!

Seguidamente e documentario a wordo presenta pa despues e bay den tur media.

 

- Advertisement -

DUNA COMENTARIO

Please enter your comment!
Please enter your name here