Home Impuesto Falsificacion di plachi number mas y mas ta lantando cabez

Falsificacion di plachi number mas y mas ta lantando cabez

33
0
SHARE
- Advertisement -

FIOT y hunto cu Cuerpo di Polis ta atendiendo e casonan aki 

ORANJESTAD (AAN):  Departamento di Impuesto ta na altura cu tin hopi auto cu plachi falso ariba caminda.

Meverly Romano, Vocero di DIMP a indica cu na cuminzamento di aña, ora cu a cambia e plachinan, tabata tin hopi pago cu e drenta. Pero den e di dos mitad di aña, a cuminza ripara cu e falsificacion di plachi mas y mas ta lantando cabez.

Esaki ta un desaroyo cu DIMP no ta desea. “Core cu un plachi falso ta nifica cu bo ta perde respet pa nos leynan. Bo ta perde respet pa bo mes. Bo ta perde respet pa e otro automobilistanan cu si ta cumpli cu nan seguro, nan belasting y tur e otro rekisitonan”, Romano a expresa.

Awendia, comunidad ta hopi alerta y hopi biaha ta trece e asuntonan aki dilanti hopi lihe ariba social media.

Hopi biaha DIMP ta keto ariba e casonan cu ta wordo raporta na nan, pero nan ta haciendo e trabao di dje. Tin un team investigativo cu yama FIOT y hunto cu Cuerpo di Polis ta atende e casonan aki.

Dependiendo di e factornan, por resulta cu te hasta nan por yega te na e cas di e persona (chofer). Nan ta kita e plachi di number falso for di e auto. Nan ta tum’e den beslag y e ta yega na Ministerio Publico pa eynan cuminza un persecusion penal, e PR di DIMP a remarca.

“Pa esnan cu tin un plachi falso aworaki ariba nan vehiculo, e recomendacion of e conseho ta kit’e. Kit’e, bo ta preveni hopi dolor di cabez (…) hopi consecuencia indesea”, a enfatiza.

- Advertisement -

DUNA COMENTARIO

Please enter your comment!
Please enter your name here