Home Cultura Fundacion Go Cultura cu reaccion encuanto articulo di Stimaruba pa cu Ser’i...

Fundacion Go Cultura cu reaccion encuanto articulo di Stimaruba pa cu Ser’i Noka

43
0
SHARE
- Advertisement -

ORANJESTAD (AAN):  Fundacion Go Cultura a tuma nota di un comunicado di parti di StimAruba diasabra 5 di October 2019, encuanto nan preocupacion pa cu Ser’i Noka.

E fundacion ta reacciona bisando cu “e preocupacion cu claro ta valido, pero innecesario si acaso a tuma contacto cu nos fundacion, esta Fundacion Go Cultura pa por siña mas di e plannan di rescate y restauracion. Nos ta reacciona den prensa, considerando cu StimAruba a scohe pa bay prensa enbes di tuma contacto directo cu nos Fundacion, cu SI ta para pa pone cultura y creatividad na e curazon di e desaroyo sostenibel Arubano y tambe pa proteccion y mantencion di nos naturaleza.

Nos a haya falta di presencia di StimAruba durante e gran limpieza den Ser’i Noka, no solamente pa rescata un teatro cu ta den decadencia total, pero tambe pa promove proteccion di nos naturaleza serca tur presente, incluyendo nos muchanan y hobennan cu si tabata tey.

Nos fundacion ta hay’e un gran lastima con fundacionnan manera StimAruba ta usa prensa pa lanta stof y crea discordia tocante “destruccion di naturalesa”, enbes di yama nos fundacion prome y haya sa mas di tur loke nos di Fundacion Go Cultura tin planea pa cu e pida tereno valioso y historico aki.

Ta di lamenta cu kier crea sensacion den nos comunidad caminda no tin mester.

Pa no bisa mucho, nos lo kier publicamente pidi StimAruba pa tuma contacto cu nos fundacion pa un reunion y manera hende adulto y madura, sinta na mesa y scucha prome cu sali riba caya creando sensacion innecesario den pueblo.

Fundacion Go Cultura desde inicio a para pa proyectonan positivo y sano, pues no ta wak pakico crea confusion sin tin mester. Number di telefoon di Fundacion Go Cultura ta publicamente riba rednan social y riba nos website.

Mescos cu nan a haya informacion tocante e proyecto facilmente nan por haya numbernan aki pa por haya mas informacion prome. Alabes nos kier a felicita tur esnan cu a forma parti di e proyecto aki y ta conta cu un positivismo entre esnan cu si kier wak mehoracion den e parke aki'”.

- Advertisement -

DUNA COMENTARIO

Please enter your comment!
Please enter your name here