Home Gobierno Gobierno y Sindicatonan ta bay reuni pa papia di Indexering

Gobierno y Sindicatonan ta bay reuni pa papia di Indexering

129
0
SHARE
- Advertisement -

ORANJESTAD  (AAN):   Diabierna dia 25 di October, Gobierno di Aruba y Sindicatonan lo reuni riba e tema di indexering. Durante e reunion aki Gobierno lo duna un presentacion.

Manera ta conoci, desde April sindicatonan a bati na porta di Gobierno pa nan por haña indexering. Refiriendo na esaki, Gobierno na mas di un ocacion a bisa cu financieramente e pais ta dilanti retonan hopi grandi y cu no tin espacio financiero pa cumpli cu indexering manera a wordo haci den pasado.

Pa e motibo aki, Prome Minister Evelyn Wever-Croes a duna di conoce, cu Gobierno kier pa forma e comision cu sindicatonan y e Gobierno anterior a palabra na 2014 pa mira kico ta bay haci cu indexering den futuro pasobra e sistema cu den pasado a wordo atendi cu n’e no por sigui. No ta tur sindicato kier ta parti di e comision y esaki Gobierno mester atende cu e sindicatonan.

Gobierno ta bou di hopi presion di Hulanda pa e tema di gastonan di personal cu tin cu baha y cualkier aumento di indexering ta nifica aumento di gasto di personal. Riba e puntonan aki, Gobierno a invita sindicato pa delibera diabierna 25 di October.

 

- Advertisement -

DUNA COMENTARIO

Please enter your comment!
Please enter your name here