ORANJESTAD (AAN): Den cuadro di e celebracion di nan 85 aniversario, Women’s Club of Aruba ta organisando un BINGO pa recauda fondo pa nan proyectonan den comunidad.
E BINGO lo tuma lugar na Club Caiquetio riba diasabra dia 26 di october cuminsando pa 7:00 p.m. E porta lo habri for di 5:00 p.m. y bar y cushina ta bon surti.
Ademas di e BINGO lo tin varios “doorprizes” y un rifa di Awg. 5.00
unda por gana bunita premionan manera un “dinner for two”, un “gift certificate” di Crown Furniture Store , baskets y algun premio mas.
E prijs di e BINGO ticket ta Awg. 10.00 of por cumpra un boeki pa Awg. 100.00
Women’s Club ta hopi conoci den comunidad pa nan proyectonan manera:
Dress a Child: Un proyecto pa yuda e familianan, bistiendo mas o menos 175 mucha pa e dianan di Pasco.
Medio Ambiente Goes to School: E muchanan di eerste klas ta siña con pa tene nan school limpi , nan isla limpi y pa uza un baki pa nan pan y un container reuzabel pa nan cos di bebe.
Student Awards: E evento aki ta honra tur e mihor graduadonan di e schoolnan secundario na Aruba
Siña pa bo Biba: un proyecto di conscientisacion tocante e salud di nos hende muhenan.
Ademas di e proyectonan anual, Women’s Club ta bishita regularmente nos casnan di anciano, hungando BINGO y yudando e casnan celebra e dianan di fiesta.
Women’s Club ta invita tur hende pa bin pasa un rato ameno nan nos BINGO, cu chens di gana bunita premio y a la bes cooperando cu Women’s Club pa recauda e fondonan necesario pa yuda nos comunidad .
Por cumpra tickets na Optica Oduber & Kan of por yama of whatsapp na telefon 7332020 of manda mensahe na e Facebook pagina di Women’s Club of Aruba
