Home General Grupo nobo di militarnan local a cuminza nan training

Grupo nobo di militarnan local a cuminza nan training

28
0
SHARE
- Advertisement -

ORANJESTAD (AAN): E siman aki, un grupo di 37 mucha homber a meld na entrada di Marinekazerne di Suffisant (Curacao) pa di e Prome Formashon Militar (EMV) pa Milicia di Curaçao y Aruba. Den un tempu di casi 11 luna, e 37 hobennan aki lo comberti den militarnan di Aruba (10) y Curaçao (27). Yen di curashi y confianza nan lo bay cuminsa cu e EMV.

E diesun lunanan di EMV ta consisti di 3 fase. E prome fase lo ta esun elemental. “Skills and drills” lo ta riba un nivel individual y ta para central. Militarnan den opleiding ta siña di rango y posishon pero tambe siña yuda bo mes y bo camarada nan. Tambe nan ta haya disciplina militar y e hobennan ta siña e uso di arma. For di e fase aki ta drenta e parti di opleiding pa combate. E di tres y ultimo fase ta e parti di vigilancia y seguridad.

Prome cu a cuminsa EMV, e hobennan aki a pasa den procedimento di keur y seleccion extenso.  Esaki a consisti di testnan di landa, idioma hulandes y e Prueba di Condishon di Defensa. Na e delaster prueba, e rekesitonan ta: (1) Core duro minimal 2.400 meter den 12 minuut.  (2) Pushup minimal 20 biaha. (3) Minimal 30 sit ups.

Banda di EMV, tambe tin 2 hoben cu a bini pa e Opleiding Practico pa Officier di Milicia di Curaçao (POTOC). E grupo aki tambe tin un opleiding intensivo di 11 luna ta warda nan. E training aki ta hopi particular pa motibo un gran parti ta tuma lugar na Hulanda.

Formashon (social), e tareanan di vigilancia y seguridad, mas y mas ta dirigi su mes riba trabaonan militar operacional. Militarnan ta tuma parti na ehercicionan pafor di islanan ABC ta keda envolvi den dunamento di asistencia militar den Caribe y ta train hunto cu Cuerpo Policial y VKC.

E yiunan di tera aki, ta papia e idioma local, ta compronde e cultura, e situacion climatologico y geografico mihor cu e militarnan hulandes. Esaki sigur ta di un valor agrega na momento di training y asistencia.

 

- Advertisement -

DUNA COMENTARIO

Please enter your comment!
Please enter your name here