Home Gobierno Hobennan tambe mester siña e señalnan di traficacion di hende y con...

Hobennan tambe mester siña e señalnan di traficacion di hende y con facil ta pa bo bira victima di esey

56
0
SHARE
- Advertisement -

Jeannette Baars:

ORANJESTAD  (AAN): Durante di un conferencia di prensa di Minister di Husticia Andin Bikker Diabierna mainta riba traficacion di hende, Jeannette Baars, Coordinador Nacional Contra Traficacion y Contrabando  di Hende, a hiba palabra.

El a elabora riba e pasonan cu den e siguiente periodo ta bay wordo tuma.

“Minister a anuncia caba cu nos a haya fondonan for di Hulanda y esey kiermen cu nos ta bay uza eseynan tambe pa loke ta traficacion y contrabando di hende”.

“Nos ta bay bin cu un campaña nobo di concientizacion y nos ta bay elabora riba e diferencia mas grandi entre traficacion di hende y contrabando di hende y nos ta bay pone atencion tambe riba e punto di asilo”.

Esaki segun Baars, kende a sigui bisa cu e ta bay bira un campaña di tres tema den un.

“Nos a ripara cu ainda tin hopi hende cu no ta wak e diferencia”.

“Nos ta bay traha riba e shelter pa hendenan cu a bira victima di traficacion di hende, pasobra esey ta hopi importante pa nos por traha riba investigacion”.

“Si nos tin un caso y nos no por percura pa opvang adecuado pa esnan cu a bira victima, esaki ta bay ta un tiki problematico”.

Esaki segun Baars, kende a sigui bisa cu e documentario cu a wordo traha aña pasa den cooperacion cu ‘Switch Foundation’(Promesa Falso), ta bay wordo uza pa traha un programa pa scolnan secundario.

E intencion ta pa siña e muchanan di edad di 12 pa 18 aña kico ta e señalnan di traficacion di hende y con facil ta pa bo bira victima di esey.

“Asina nos ta informa nan y nan mayornan riba e riesgonan di bira victima di esaki, pasobra hopi biaha e hendenan ta pensa cu ta e hendenan cu ta bin di Venezuela so ta vulnerable, pero e por sosode cu nos tur”.

Esaki segun e coordinador nacional contra traficacion y contrabando di hende.

El a duna e ehempel di e señora cu tabata den e documentario.

E señora tabata tin un beca na Merca y ora cu el a perde e beca el a bay di malo pa peor y el a bira un victima di traficacion.

Baars a splica cu otro aña nan ta bay organiza un conferencia den nos region, riba traficacion y contrabando di hende y asilo.

 

- Advertisement -

DUNA COMENTARIO

Please enter your comment!
Please enter your name here