Home Hudicial Homber Venezolano ilegal tabata abusa di mucha muher di 14 aña

Homber Venezolano ilegal tabata abusa di mucha muher di 14 aña

3161
0
SHARE
- Advertisement -

ORANJESTAD (AAN): Diahuebs mainta Corte den Promer Instancia a trata un tristo caso di inmoralidad, caminda un homber Venezolano di 22 aña tabata tene relacion sexual cu un mucha muher di 14 aña.

Ta asina cu e homber Venezolano A., despues di a keda casi 3 luna sera, a haya su libertad pero na e mesun momento miembronan di Guarda Nos Costa a sak’e for di Aruba. Ayera mainta e sospechoso no tabata presente y Hues a confirma e castigo exigi pa Fiscal cu ta un castigo di 84 dia di prison, cual A. tabata sera na Aruba. Loke a hala atencion den e caso aki tabata cu e mama di e mucha tabata laga e mucha bay cerca e homber, mientras cu e tata no tabata di acuerdo.

Fiscal a bisa Hues cu ta acusa A. di a tene relacion sexual cu un mucha muher menor di edad, entre December 2018 y April 2019.

   EXIGENCIA DI FISCAL:

Fiscal ta haya cu A. a tene relacion sexual mas biaha cu un menor di edad. Fiscal a mustra cu A. mes tabatin 22 aña y e mucha 14 aña. Un diferencia di 8 aña. Investigacion a mustra cu A. no a forza e mucha.

Na opinion di Fiscal, apesar cu e mucha tabata dispuesto pa tene relacion sexual, ley penal ta proteha mucha menor di edad contra esaki. Esaki pasobra un mucha no ta mira e consecuencianan cu esaki por tin p’e.

Fiscal ta haya cu A. ta castigabel pa esaki. Pa cu e castigo, Fiscal a bisa cu teniendo cuenta cu A. a worde saca for di Aruba, el a exigi un castigo igual na e tempo cu A, tabata sera esta 84 dia.

   ABOGADO:

Abogado mr. Carlo a bisa Hues cu e ta haya cu e hustamente e hecho cu e relacion tabata voluntario, no por acusa di A. ta culpable. Sinembargo teniendo cuenta cu e ley penal, el a bisa cu e ta di acuerdo cu e exigencia di Fiscal.

Hues a sera tratamento di e caso y a dicta sentencia. Hues ta haya legalmente prueba cu A. a tene relacion sexual diferente biaha cu un mucha muher di 14 aña. Pa cu e castigo, Hues a bisa cu e ta tene cuenta cu e circunstancia entre otro cu e mama di e mucha tabata permiti e mucha bay cerca e homber mientras cu e tata no tabata di acuerdo. Hues a confirma exigencia di Fiscal. El a condena A. na 84 dia di prison.

 

- Advertisement -

DUNA COMENTARIO

Please enter your comment!
Please enter your name here