Home Policial Homber y muher hoben deteni durante razzia na De Vuyst

Homber y muher hoben deteni durante razzia na De Vuyst

1167
0
SHARE
- Advertisement -

Pa caso di atraco

ORANJESTAD (AAN): Oficialnan hudicial di Recherche como tambe Atraco Team ta trahando hopi duro e simannan aki, pa asina soluciona recien casonan di atraco.

Usando nan experiencia di trabao di detective, fuera usando informe obteni via security camera, y tambe tips di pueblo, nan a cuminza move y a detene hende tambe.

Diabierna den oranan di merdia, Atraco Team a tene un accion di razzia den un area pariba di brug.

Vocero Policial a confirma cu autoridad a haci un entrada hudicial na un cas na De Vuyst, y aki a detene 2 sospechoso.  Esnan cu a keda deteni ta e homber di inicialnan A.A.B. 24 aña, y e muher J.M.R. di 22 aña di edad.  Esaki ta relaciona cu diferente atraconon cu a tuma lugar.

Teniendo na cuenta cu tabata atraconan arma a haci uso di Arrestatie Team pa detene e sospechosonan aki durante e razzia.

Vocero Policial a bisa cu loke nan a haci, tabata un tremendo trabao di Atraco Team. Un peticion na e pueblo si bo sa algo of a wak algo yama e tiplijn di polis cu ta 111-41. Tur informacion ta importante.

 

- Advertisement -

DUNA COMENTARIO

Please enter your comment!
Please enter your name here