Home General Hospital Nobo ta contra e derecho humano di un bon cuido di...

Hospital Nobo ta contra e derecho humano di un bon cuido di salud

48
0
SHARE
- Advertisement -

Analisis 

Segun reglanan estricto di Organisacion Mundial pa Salud

Pashent ni personal por ta rondona di peligro serio y angustia 

Den e debatenan cu a wordo hiba durante e ultimo simannan cu a pasa den mundo politico, nos a sinti falta di un acercamento directo di e derecho humano di un ciudadano pa por cuida su salud.

Awe Aruba mester coregi e situacion cu a presenta su mes ora a dicidi pa uza un suma enorme den un hospital, cu no ta garantisa e derecho humano pa por cuida su salud, segun reglanan internacional di e Organisacion Mundial pa Salud.

Den e discusionnan cu ta tuma luga na Aruba, e pregunta grandi na nos opinion ainda mester haya contesta.

E investigacionnan cu mester wordo conduci no por ta basa riba loke contratista ta bisa. gobierno anterior, ministro actual of e compania cu a dicidi riba nos placa a bisa.

Mester conduci investigacionnan oficial pa mira si e placa di pueblo a wordo bon uza cu e totalidad di e proyecto di hospital.

Pa investigacionnan por tin resultado cu nan mester tin na forma imparcial, mester mira kico ta e derecho humano internacional di e Arubiano riba tereno di cuido di salud.

No por bisa cu un pais por garantisa un persona cu e tin un bon salud. Esaki ta un decision di nos Creador, cu e organisacionnan internacional ta tene bon na cuenta.

Loke mester wordo sigura ta, cu gobierno a y ta uza placa di pueblo pa sigura cu e Arubiano por cuida su salud a base di areglonan legal cu ta entrega e ciudadano e nivel mas halto di cuido.

Segun Derechonan Internacional e Arubiano mester por conta cu bon cuido medico cu ta honra su necesidad ta presente. E mester por haci uzo di bon cuido medico cu ta tene cuenta cu su entrada y a base di bon informacion.

E condicionnan den cual e ciudadano ta haya cuido medico mester ta di acuerdo cu e nivelnan di loke na e pais ta wordo considera como facilidad y servicio aceptabel.

Tur servicio den cuido medico cu e Arubiano ta haya mester ta a base di reglanan di bon calidad di acuerdo cu loke e pais ta considera bon calidad.

Kico mester conclui? Cu placa di pueblo a wordo uza pa crea un monster cu no ta sirbi e interes di e Arubiano cu ta pasa den angustia.

Defensornan di e proyecto aki no tin a capacidad of buena fe pa determina si interes di e Arubiano a wordo sirbi.

Nos lo sigui elabora riba e tema aki pasobra mester bini cambio urgente den cuido medico na Aruba.

Banda di e investigacionnan cu nos ta sostene, nos ta sigui exigi asistencia internacional pa implementa regla a base di Derechonan Humano internacional cu Aruba tambe a ratifica y legalmente mester sigui sostene.

- Advertisement -

DUNA COMENTARIO

Please enter your comment!
Please enter your name here