Home Gobierno Hulanda ta menaza Gobierno di Aruba no cu un pero cu dos...

Hulanda ta menaza Gobierno di Aruba no cu un pero cu dos aanwijzing

665
0
SHARE
- Advertisement -

Minister Presidente Evelyn Wever-Croes:

ORANJESTAD (AAN) – Den conferencia di prensa di gobierno, Dialuna 14 di October, Minister Presidente mr. Evelyn Wever-Croes, a bisa cu el a tuma nota den medionan social, cu tin corespondencia entre Secretario di Estado Knops y su persona, cu a wordo publica y cu a conduci na preocupacion den comunidad.

Prome Minister a señala cu corespondencia entre gobierno cu gobierno no ta algo pa comparti ni publica, pasobra gobiernonan mester por comunica cu esnan cu e carta ta dirigi na dje y no na un publico mas general.

E mandatario a subraya cu sinembargo, gobierno ta traha cu tal transparencia cu si un carta ta lek uit of no ta lek uit, nan a papia di dje caba y e no tin problema cu esey, si no cu e hecho cu desde cu gobierno a cambia, tur carta entre gobierno y Hulanda ta lek uit, na un manera of otro.

En todo caso, e mandatario a expresa cu no mester sorprende ningun hende cu Hulanda ta menaza gobierno di Aruba cu otro aanwijzing.

E mandatario a trece dilanti cu 23 di September ya caba CAft a manda informa Ministerraad, ora e tabata na New York, y por nota aworaki cu e carta no ta tocante un sino dos aanwijzing gobierno ta wordo menaza.

Reaccion di Prome Minister ta asina aki: “Ocho aña largo di mal gobernacion, nan a menaza nan cu un KB. Awo ni dos aña, cu hopi miho gobernacion, nan no ta menaza mi cu un pero cu dos. Dia cu nan a manda mi e prome carta cu nan a menaza mi cu un aanwijzing mi tabata hopi preocupa. El a dal duro! Aworaki cu nan ta yobe di cada banda, si no ta links ta recht ta bin y cada biaha e base ta cambia. Ya bo ta cuminza custumbra cu esaki ta e normal nobo”, Prome Minister a expresa.

Hulanda den e carta ta bisa gobierno cu nan tin preocupacion cu algun punto. E mandatario a reitera cu e tambe ta comparti e preocupacion aki. Pero nan no ta asina serio cu e ta sinti cu mester bin un aanwijzing, pero e ta comparti nan.

E prome ta e Social Crisis Plan y e gastonan di personal. Hulanda ta di opinion cu gobierno a pone den un fondo separa pero cu mester bin den e presupuesto.

“Mi ta kere cu nan preocupacion no ta tanto e proyectonan cu tin den e Social Crisis Plan, sino e gastonan di personal den e fondo aki. Mi ta kere cu nan preocupacion ta cu nos a pone un maximum pa salarionan den gobierno, anto door di bin cu un fondo apart, nos lo por eskiva e maximo ey”, Minister Presidente a subraya.

E mandatario a señala cu Aruba ta traha asina. Tabata tin otro fondonan separa manera e fondo di infrastructura, fondonan di enseñanza, diferente fondo den turismo, y  e fondo di e plan di crisis social a wordo poni un banda pa e minister di Asunto Social pa por atende cu e explosion social cu gobierno a encontra, mientras cu e demas ministernan ta traha cu e crisis financiero cu gobierno a hereda, pasobra si a lague hunto lo tin e chens cu lo corta y keda corta den dje cada biaha.

E mandatario a reitera cu gobierno ta pone e hende central y ta pone e palabranan den accionnan y e fondonan den dje pa minister por atende cune.

Tocante e preocupacion cu Hulanda tin cu gobierno ta bay pasa e plafond cu nan a pone pa Aruba pa e gastonan di salario, e mandatario a subraya cu nan no a palabra cu e gastonan di e Social Crisis Plan ta bay den e fondo di gobierno.

A palabra cu e 479 miyon ta conta pa gastonan di personal di Land Aruba, pues nan a pone esaki contra e palabracion cu gobierno.

Pero mas importante ta, e mandatario a subraya, cu si ni pone nan hunto ta sobrepasa e 479 miyon. Pesey e mandatario no ta compronde e problema den e esencia di esaki.

- Advertisement -

DUNA COMENTARIO

Please enter your comment!
Please enter your name here