Home General Husticia mester keda sin cuero di cara mescos cu Mike Eman???

Husticia mester keda sin cuero di cara mescos cu Mike Eman???

872
0
SHARE
- Advertisement -

Analisis

E investigacion di autoridad den proyecto Bo Aruba ta idioma cla 

*El a trapa riba Parlamento, Gobierno, Reino y awor Husticia

*Un payaso cu a haci Aruba ridiculo den Reino y den mundo

Mientras cada rato mas prueba ta subi mesa pa duna prueba di loke a pasa cu pueblo di Aruba, atrobe Mike Eman ta mira un oportunidad pa e bini dilanti pa trata na destrui e sistema legal di Aruba.

Mike Eman a drenta historia como e Ministro Presidente cu a duna Aruba un imagen di ridiculo den seno di Reino y den mundo. El a lubida cu na tur wega ta yega un fin y cu ta solamente personanan realmente limpi por cana bay dilanti ora tur berdad sali na claridad.

Awe nos ta pone Mike den e prome pagina di e Investigacion Bo Aruba, cu ta den man di Husticia di Aruba pa dicidi kico mester pasa.

No ta DIARIO a skirbi e rapport aki pero Algemene Rekenkamer Aruba, e maximo controlado di placa di Aruba. Algemene Rekenkamer Aruba, cu na forma independiente a traha e rapport aki, a mustra cu Mike Eman placa di Aruba na riesgo grandi y a gasta placa di Aruba sin e control y limitenan cu Ley ta exigi.

Laga Mike Eman bin habri su boca y bisa cu nos ta practica mentira. Talbes e y su grupo cu ta un berguensa pa hende drechi cu ta AVP, ainda kier tapa e realidad di Citgo, cu nos a desvela pa mustra pueblo berdad.

Cada cos tin su ora Mike Eman y esey ta Husticia. E Husticia cu bo semper a persigui cu bo sonrisa falso y abrasonan cu hende mester a soporta pasobra ta Ministro Presidente bo tabata.

Bo ta un berguensa pa e pueblo di Aruba, cu bo a uza pa realisa bo soño maligno di poder y bo fantasia di kere cu bo ta rey y un dios na mundo.

Wega a caba Mike Eman, cu a pone Aruba na berguensa ora el a bay bebe Ensure den Toren cu su welga di hamber mientras Reino ta sinta na mesa pa negocia a base di Statuut.

Aruba a wordo uza den e pio comedia di su historia dor di e homber, cu Reino a para den su nombramento di Gobernador. Bo ta corda Mike Eman, cu Reino a pone bo persona na ordo y nunca bo a splica Aruba pakico bo no a sigui protesta cu no a acepta bo candidatonan?

Awe investigacionnan ta cuminsa. Bo sa cu Bo Aruba ta na caminda. Kico no kier? Pa gobierno baha, pa Parlamento cambia y Husticia bay cas pa otro bin saca bo for di bo berdad?

Kico bo kier Mike Eman? Bo kier pa Husticia perde su cuero di cara, mescos abo a perde di bo aunke bo nivel di balor no ta permiti bo mira esaki?

Bo ora a yega pa duna cuenta y rason di loke bo a haci cu e pais aki. Esaki ta e rapport, cu bo brug riba su portada.

Pueblo lo haya tur splicacion di loke bo y bo grupito a haci cu su suela, su placa, su bienestar.

Husticia ta haci su mes awe, Mike Eman. Sea homber, stop di sconde pa realidad! Parlamento no por drenta cu drumband, Mike, berguensa di Aruba.

- Advertisement -

DUNA COMENTARIO

Please enter your comment!
Please enter your name here