ORANJESTAD (AAN): Kiniki Festival 2019, e aña aki tabata dedica na e gran musico y cantante Ofo Escudero.
E show tabata un tremendo celebracion di 5 aña di Kiniki Festival y Revista Kiniki. Canticanan nobo a wordo presenta na publico di Cas di Cultura, bao di guia di Mc y organisadornan, Addonsito Croes y George Winterdaal.
E show a conta cu presentacionnan di Gang di Arte “Aladdin”, Judson Vrolijk “Kiniki t’e wega”, Cristy Kock “Talent show”, Dydrick Wouters “playback show”, Diamond Dance “mix show” y Ishmerai Helder “stima”.
Cuerpo di hurado tabata consisti pa Raquel Lampe, Sandra van der Linden, Ivan Croes, Xiomara Werleman, Paula Alves R’stap, Emilenne Boekhoudt y Esther Arends, kendenan tabatin un trabao dificil pa a saca e ganadornan.
Resultado den Categoria 1:
Ganador: Ian Tromp – Pia para keto (Ronwayne Kock)
Finalista: Xamarah Anthonij
Categoria 2:
Ganador: Caylee Pieters – Nos cumindanan crioyo (Ronwayne Kock)
Finalista 1: Melodie Franken – Mi tin un vos (Ronwayne Kock)
Finalista 2: Kingston Tromp – Ta ami mes ta Kingston (Chinto Croes)
Categoria 3:
Ganado: Junisha Growell – Baila sin miedo (Martha Figueroa)
Finalista: Nina Perez – Bo Pasion (Stephanie Gravenhorst)
Cantante Popular: Ian Tromp
Miho trahe: Ivy-Ann Bryson
Cantante Amistad: Serena Morrison
Organizadornan kier a duna un danki na nan sponsornan, como tambe na prensa di Aruba y Mieckey Gravenhorst, Ishel Hieroms, Michael Wever, Gabriela Geerman, Kieyon y Naomi Henriquez, Moises Alvarado y famia, tur mayor, compositor y specialmente nan participantenan.
