Home Salud Inspectie Volksgezondheid Aruba cu recall du remedi Ranitidine y Zantac®

Inspectie Volksgezondheid Aruba cu recall du remedi Ranitidine y Zantac®

16
0
SHARE
- Advertisement -

Ta pidi pashentnan pa hiba remedi prescribi pa dokter bek na botica

ORANJESTAD  (AAN):  Inspectie Volksgezondheid Aruba (IVA) a haya notificacion cu e remedi Ranitidine cu ta wordo bendi bou e nomber di Ranitidine y Zantac® di e siguiente fabricanan: Accord Healthcare B.V., Apotex Nederland B.V., Aurobindo Pharma B.V., GSK, Mylan B.V., Omega Pharma Nederland B.V., Sandoz B.V en Teva Nederland B.V. a wordo saca for di mercado.

E motibo cu e Ranitidine a wordo saca for di mercado ta cu e ta contamina cu N-Nitrosodimethylamine (NDMA). NDMA ta un kimico cu probablemente por causa cancer. Sinembargo e risico pa haya cancer door di uza Ranitidine cu ta contamina cu NDMA ainda no ta comproba.

Ranitidine ta wordo uza pa persona  cu ta sufri di zuur, dolor, kimamento y/of ulcera di stoma.

Si bo persona ta uza e remedi Ranitidine y/of Zantac® cu ta wordo traha door di e fabricanan ariba menciona y a haya e remedi cu un receta di dokter, bo persona lo mester entrega e remedi aki bek  na bo Botica y acudi serca bo dokter di cas pa prescribi un otro remedi.

E Inspectora di Remedi, drs. Roselynn Angela (Boticario) ta urgi tur pashent cu a haya Ranitidine cu un receta di dokter pa stop di bebe e remedi inmediatamente y pa hiba e remedi Ranitidine bek pa su botica. Tambe e Inspectora ta pidi tur pashent cu tin pregunta y/of un preocupacion pa tuma contacto cu su botica y/of su dokter cu a prescribi e remedi.

Inspectie Volksgezondheid Aruba lo informa pueblo pa cualkier cambio na su debido momento. E lista completo di e remedinan cu a wordo saca for di mercado por haya riba e website di IVA: www.iva.aw

- Advertisement -

DUNA COMENTARIO

Please enter your comment!
Please enter your name here