Home General Interes nacional mester goberna Aruba e siman aki

Interes nacional mester goberna Aruba e siman aki

207
0
SHARE
- Advertisement -

Analisis 

Un siman decisivo ta bati na porta di e pais 

Ora analisa tur aspecto di nos cuadro legal y nos base democratico, ta yega na e conclusion cu interes nacional mester goberna un pais. Tur decision cu ta wordo tuma mester sirbi e interes di e pais den su totalidad pero tambe cada ciudadano individual.

Aruba ta drenta un siman decisivo. Un luna prome cu temporada halto di turismo cuminsa pero tambe rondona pa problemanan internacional y sigur regional, Aruba mester dicidi riba su futuro.

Observacion di nos leynan ta exigi pa den tur caso cu mester haya solucion e siman aki, e interes nacional cu ta e interes di e pais, triunfa. Ta e interes nacional di Aruba ta goberna e pais segun tur ley y sistema politico cu e pais conoce.

Nos ta cuminsa cu e asunto di indexering di placa di ambtenaarnan. Nos por ta corto y referi na rapport cu sindicato como miembro di Conseho Social Economico a yuda traha na 2014 pa duna gobierno pistanan importante con pa baha gasto di personal.

Awe tur hende, nos tambe, kier mas entrada pasobra situacion ta preta. Pero nos mester tene cuenta cu loke a keda den nos caha cu a wordo seriamente afecta pa un gobierno cu un lider, cu no kier ni asumi su responsabilidad den Parlamento.

Nos mester paga pa e debenan cu gobierno anterior a haci na nos nomber. Awe e personanan cu a hinca Aruba den problema, ta instiga comunidad cu problema cu nan a forma.

No por introduci indexering pa ambtenaarnan cu hunto cu trahadonan di comercio mester bay paga mas belasting pasobra a introduci indexering. Por lo menos e ambtenaar ta haya mas placa for di caha di gobierno, pero comercio no tin placa pa paga salario mas halto y den hopi caso ni pa tene su trahadonan na trabou si mester paga mas.

E siman aki pues mester yega na palabracion cu Reino Hulandes cu tabata e motibo cu Aruba no a bati bankroet ora gobierno anterior a cende e pagara di desastre pa Aruba.

E siman aki mester bini mas informacion con ta atende cu salida di Citgo, cu tabata e fantasia cu gobierno Mike Eman a crea pa Aruba, cu a keda cu palo pa bati otro pasobra e piñata di Citgo a resulta di ta bashi.

E interes di Aruba ta exigi madurez y honestidad enfrente e pais y e exigencianan di democracia. E unico interes cu por goberna y dicidi pa e pais aki mester ta e interes nacional, manera mester resalta den tur accion.

- Advertisement -

DUNA COMENTARIO

Please enter your comment!
Please enter your name here